ఆ రీమేక్‌ ఎవరికి సెట్టవుతుంది?

మెగాస్టార్ చిరంజీవి హీరోగా న‌టించిన ఫ్యామిలీ ఎంట‌ర్‌ టైన‌ర్ గ్యాంగ్ లీడ‌ర్‌. ఈ సినిమాలో చిరంజీవి మాస్ అప్పియ‌రెన్స్ మెగాభిమానులకు పిచ్చెక్కించింది. ఒక‌టికి నాలుగు సార్లు మెగా బాస్‌ ని థియేట‌ర్ల‌కు వెళ్లి మ‌రీ చూశారు ఫ్యాన్స్‌. 90ల‌లో బ్లాక్‌ బ‌స్ట‌ర్ హిట్ చిత్ర‌మిది. కుటుంబ క‌థ‌ - మాస్ యాక్ష‌న్ - వీటికి తోడు మైండ్ బ్లోవింగ్ మ్యూజిక్ పెద్ద హిట్ట‌య్యాయి. మెగాస్టార్  చిరంజీవి డ్యాన్సులు అభిమానుల్ని ఉర్రూత‌లూగించాయి. అంతేకాదు గుబురు గెడ్డం - కోర‌మీసం .. ర‌గ్గ్‌డ్ లుక్‌ తో చిరంజీవి క‌నిపించిన తీరు వెరీ వెరీ స్పెష‌ల్‌.

అందుకే ఇలాంటి ఓ సినిమాలో న‌టిస్తే ఏపీ - తెలంగాణ‌లోని మాస్ ఆడియెన్‌ మ‌న‌సుకు మ‌రింత ద‌గ్గ‌ర‌వ్వ‌డానికి సాయం అవుతుంద‌ని మెగా హీరోలంతా భావిస్తున్నారు. ఇప్ప‌టికే  గ్యాంగ్ లీడ‌ర్ రీమేక్‌ లో న‌టిస్తాన‌ని చ‌ర‌ణ్ త‌న మ‌న‌సులోని మాట‌ను చెప్పుకొచ్చారు. అలాగే బ‌న్ని సైతం త‌న ఇష్టాన్ని ప్రాక్టిక‌ల్‌ గా ఇద్ద‌ర‌మ్మాయిల‌తో సినిమాలో కొన్ని స్టెప్పు లో చేసి చూపించాడు. మ‌రో మెగా హీరో సాయిధ‌ర‌మ్ తేజ్ సైతం ఈ సినిమాపై ఆస‌క్తి చూపించాడు. మ‌రి ఈ ముగ్గురిలో ఎవ‌రికి యాప్ట్ ఆ సినిమా రీమేక్‌?

ముఖ్యంగా చ‌ర‌ణ్‌ - బ‌న్ని కంటే  గ్యాంగ్ లీడ‌ర్ పోలిక‌లు సాయిధ‌ర‌మ్‌ లోనే ఎక్కువ క‌నిపిస్తున్నాయ‌ని మెగాభిమానులు భావిస్తున్నారు. అత‌డి రూపురేఖ‌లు ర‌గ్‌డ్ లుక్ గ్యాంగ్ లీడ‌ర్‌ నే పోలి ఉన్న‌యంటే అతిశ‌యోక్తి కాదు. స‌హ‌జ‌సిద్ధంగానే సాయిధ‌ర‌మ్ లుక్ గ్యాంగ్ లీడ‌ర్‌ ని పోలి ఉంది. గుబురు గ‌డ్డం - ఆ రూపురేఖ‌లు - చూపులు - డ్యాన్సులు ఇలా ఏ కోణంలో చూసినా మెజారిటీ స్కోప్ అత‌డికే క‌నిపిస్తుంది. అయితే బ‌న్నీ కానీ - సాయిధ‌ర‌మ్ కానీ గ్యాంగ్‌ లీడ‌ర్‌ గా న‌టించాలంటే చ‌ర‌ణ్ అనుమ‌తి పొందాల్సిందే. చిరు త‌న‌యుడు ఓకే చేశాకే ఏదైనా సాధ్యం. మ‌రి క్రేజీ ప్రాజెక్టులో ఎవ‌రు న‌టిస్తారో చూడాలి.