మెగాస్టార్ చిరంజీవి మేనల్లుడిగా 'రేయ్' అనే సినిమాతో ఇండస్ట్రీలో అడుగుపెట్టాలనుకున్నాడు సాయి ధరమ్ తేజ్. కానీ కొన్ని అనివార్య కారణాల వల్ల 'పిల్లా నువ్వులేని జీవితం' సినిమా మొదటగా ప్రేక్షకుల ముందుకు వచ్చింది. ఆ తర్వాత టాలీవుడ్ లో వరుస సినిమాలతో తనకంటూ ప్రత్యేకమైన గుర్తింపు తెచ్చుకోడానికి ట్రై చేస్తున్నాడు. కెరీర్ స్టార్టింగ్ లో వరుస విజయాలను చూసిన తేజ్.. ఆ తర్వాత అర డజన్ ఫ్లాపులను చవి చూసాడు. 'పిల్లా నువ్వులేని జీవితం' 'సుబ్రహ్మణ్యం ఫర్ సేల్' 'సుప్రీమ్' సినిమాలతో మంచి గుర్తింపు తెచ్చుకున్నాడు. అదే విధంగా 'తిక్క' 'విన్నర్' 'నక్షత్రం' 'జవాన్' 'ఇంటెలిజెంట్' 'తేజ్ ఐ లవ్ యూ' లాంటి ఘోర పరాజయాలను కూడా మూటగట్టుకున్నాడు. అయితే హిట్ ప్లాపులతో సంబంధం లేకుండా వరుస సినిమాలతో తన మార్కెట్ పెంచుకునే ప్రయత్నం చేస్తూనే వస్తున్నాడు. ఈ నేపథ్యంలో కిషోర్ తిరుమల దర్శకత్వంలో వచ్చిన 'చిత్రలహరి' సినిమాతో బౌన్స్ బ్యాక్ అయ్యాడు తేజ్. ఆ తర్వాత వచ్చిన 'ప్రతీరోజూ పండగే' సినిమాతో మరో బ్లాక్ బస్టర్ అందుకున్నాడు. ఈ ఉత్సాహంతో తేజ్ ఇప్పుడు మరిన్ని సినిమాలకు కమిట్ అవుతున్నాడు. అయితే ఈ మెగా మేనల్లుడు సోషల్ మీడియా మాధ్యమాలలో మరో మైలురాయిని చేరుకున్నాడు.
సోషల్ మీడియా మాధ్యమం ఇంస్టాగ్రామ్ లో 1 మిలియన్స్ ఫాలోవర్స్ కి చేరుకున్న సాయి ధరమ్ తేజ్ ఇప్పుడు ట్విట్టర్ లో 2 మిలియన్స్ కి పైగా ఫాలోవర్స్ తో కొనసాగుతున్నాడు. ఇలా ఒకేసారి ఇంస్టాగ్రామ్ మరియు ట్విట్టర్ లలో తేజ్ మైల్ స్టోన్ నెంబర్ ని చేరుకోవడంతో మెగా అభిమానులు ఫుల్ ఖుషీలో ఉన్నారు. ముందు ముందు వరుస సక్సెస్ లను సాధించి ఫాలోవర్స్ పెంచుకోవాలని కోరుకుంటున్నారు. ఇదిలా ఉండగా ప్రస్తుతం సాయి ధరమ్ తేజ్ 'సోలో బ్రతుకే సో బెటర్' అనే చిత్రంలో నటిస్తున్నారు. సుబ్బు దర్శకత్వంలో తెరకెక్కుతున్న ఈ చిత్రాన్ని బీవీఎస్.యన్ ప్రసాద్ నిర్మిస్తున్నారు. ఈ సినిమాలో నభా నటేష్ హీరోయిన్ గా నటిస్తోంది. చిత్రీకరణ దశలో ఉన్న ఈ సినిమాను సమ్మర్ లో రిలీజ్ చేయాలని భావించారు. కానీ కరోనా ఎఫెక్ట్ వల్ల వాయిదా పడింది. ఇప్పటికే విడుదలైన ఈ సినిమా టీజర్ సినిమాపై అంచనాలు పెంచేసింది.
'సోలో బ్రతుకే సో బెటర్' సినిమా తర్వాత సాయి ధరమ్ తేజ్ 'ప్రస్థానం' దేవకట్టా దర్శకత్వంలో ఒక సినిమా చేయబోతున్నాడు. ఈ సినిమాలో తేజ్ క్యారెక్టర్ చాలా భిన్నంగా ఉంటుందని.. ఇప్పటి వరకు ఆయన కెరీర్లో ట్రై చేయని జోనర్ అని తెలుస్తోంది. నటుడిగా ఇది మెగా మేనల్లుడి మరో స్థాయికి తీసుకుపోయే సినిమా అవుతుందని.. కచ్చితంగా ఈ సినిమా చూసిన తర్వాత తేజ్ నటుడిగా మరింత పేరు తెచ్చుకుంటాడని ఇప్పటికే దేవాకట్టా వెల్లడించారు. లాంఛ‌నంగా ప్రారంభ‌మైన ఈ చిత్రాన్ని జె.బి.ఎంట‌ర్‌టైన్‌మెంట్స్ బ్యాన‌ర్‌ పై జె.భగవాన్ - జె.పుల్లారావు నిర్మిస్తున్నారు. లాక్ డౌన్ ఎత్తేసిన తర్వాత ఈ సినిమా రెగ్యులర్ షూటింగ్ ప్రారంభం కానుంది. మొత్తానికి రెండు వరుస విజయాలు వచ్చేసరికి కెరీర్లో నూతన ఉత్తేజంతో ముందుకు వెళ్తున్నాడు సాయి ధరమ్ తేజ్. మరి ఈ సినిమాతో తేజ్ తన విజయాలను కంటిన్యూ చేస్తాడేమో చూడాలి.
సోషల్ మీడియా మాధ్యమం ఇంస్టాగ్రామ్ లో 1 మిలియన్స్ ఫాలోవర్స్ కి చేరుకున్న సాయి ధరమ్ తేజ్ ఇప్పుడు ట్విట్టర్ లో 2 మిలియన్స్ కి పైగా ఫాలోవర్స్ తో కొనసాగుతున్నాడు. ఇలా ఒకేసారి ఇంస్టాగ్రామ్ మరియు ట్విట్టర్ లలో తేజ్ మైల్ స్టోన్ నెంబర్ ని చేరుకోవడంతో మెగా అభిమానులు ఫుల్ ఖుషీలో ఉన్నారు. ముందు ముందు వరుస సక్సెస్ లను సాధించి ఫాలోవర్స్ పెంచుకోవాలని కోరుకుంటున్నారు. ఇదిలా ఉండగా ప్రస్తుతం సాయి ధరమ్ తేజ్ 'సోలో బ్రతుకే సో బెటర్' అనే చిత్రంలో నటిస్తున్నారు. సుబ్బు దర్శకత్వంలో తెరకెక్కుతున్న ఈ చిత్రాన్ని బీవీఎస్.యన్ ప్రసాద్ నిర్మిస్తున్నారు. ఈ సినిమాలో నభా నటేష్ హీరోయిన్ గా నటిస్తోంది. చిత్రీకరణ దశలో ఉన్న ఈ సినిమాను సమ్మర్ లో రిలీజ్ చేయాలని భావించారు. కానీ కరోనా ఎఫెక్ట్ వల్ల వాయిదా పడింది. ఇప్పటికే విడుదలైన ఈ సినిమా టీజర్ సినిమాపై అంచనాలు పెంచేసింది.
'సోలో బ్రతుకే సో బెటర్' సినిమా తర్వాత సాయి ధరమ్ తేజ్ 'ప్రస్థానం' దేవకట్టా దర్శకత్వంలో ఒక సినిమా చేయబోతున్నాడు. ఈ సినిమాలో తేజ్ క్యారెక్టర్ చాలా భిన్నంగా ఉంటుందని.. ఇప్పటి వరకు ఆయన కెరీర్లో ట్రై చేయని జోనర్ అని తెలుస్తోంది. నటుడిగా ఇది మెగా మేనల్లుడి మరో స్థాయికి తీసుకుపోయే సినిమా అవుతుందని.. కచ్చితంగా ఈ సినిమా చూసిన తర్వాత తేజ్ నటుడిగా మరింత పేరు తెచ్చుకుంటాడని ఇప్పటికే దేవాకట్టా వెల్లడించారు. లాంఛ‌నంగా ప్రారంభ‌మైన ఈ చిత్రాన్ని జె.బి.ఎంట‌ర్‌టైన్‌మెంట్స్ బ్యాన‌ర్‌ పై జె.భగవాన్ - జె.పుల్లారావు నిర్మిస్తున్నారు. లాక్ డౌన్ ఎత్తేసిన తర్వాత ఈ సినిమా రెగ్యులర్ షూటింగ్ ప్రారంభం కానుంది. మొత్తానికి రెండు వరుస విజయాలు వచ్చేసరికి కెరీర్లో నూతన ఉత్తేజంతో ముందుకు వెళ్తున్నాడు సాయి ధరమ్ తేజ్. మరి ఈ సినిమాతో తేజ్ తన విజయాలను కంటిన్యూ చేస్తాడేమో చూడాలి.