సమంత అంటే పిచ్చి అంటున్న సాయిధరమ్

స్వయంగా ఓ హీరో అయినప్పటికీ సాయిధరమ్ తేజ్ కు సమంత అంటే చచ్చేంత ప్రేమ అట. సెలబ్రెటీల్లో తన క్రష్ ఆమేనని.. ఆమె అంటే ఇప్పటికీ చాలా ఇష్టమని చెప్పాడు సాయిధరమ్ తేజ్. ఓ చిట్ చాట్ లో భాగంగా తనతో పని చేసిన రెజీనా.. రాశిలతో పాటు సమంతను కూడా జోడించి.. ఈ ముగ్గురిలో ఎవరికి మీ ఓటు అని అడగ్గానే మరో మాట లేకుండా ‘సమంత’ అని బదులిచ్చాడు సాయిధరమ్. స‌మంత పాట‌ల్లో ఏదంటే ఇష్టం అంటే.. ఏమాయ చేసావెలోని ఎవ్వ‌రిని ఎవ్వ‌రితో.. అనే సాంగ్ త‌న ఫేవ‌రెట్ అని చెప్పాడు తేజు. ఇక ఈ చిట్ చాట్ సంద‌ర్భంగా అడిగిన కొన్ని స‌ర‌దా ప్ర‌శ్న‌ల‌కు స‌మాధానాలు ఇచ్చాడు తేజు.

ఫేమ్ కావాలా మ‌నీ కావాలా అంటే రెండూ కావాల‌న్న తేజు.. తాను చిన్న‌పుడు ఇంట్లో అర‌టిప‌ళ్లు దొంగ‌త‌నం చేసేవాడిన‌న్నాడు. త‌న త‌ల్లికి తాను అర‌టిప‌ళ్లు తిన‌డం ఇష్ట‌ముండేది కానీ.. అందుకే తాను వాటిని దొంగ‌త‌నం చేసేవాడిన‌న్నాడు. మార్కుల విష‌యంలో బాగానే అబ‌ద్ధాలు వాడేన‌ని.. కొన్నిసార్లు ప‌రీక్ష‌ల్లో చీటింగ్ కూడా చేశాన‌ని చెప్పాడు. ఏదైనా ఒకే ప్రొఫెష‌న్ కే ప‌రిమితం కావాలంటే అది యాక్టింగ్ మాత్రమే అని తేజు అన్నాడు. టెర్మినేటర్ సిరీస్ లో జడ్జిమెంట్ డే త‌న ఫేవ‌రెట్ సినిమా అన్న తేజు.. ఇష్ట‌మైన ప్లేస్ ల‌డ‌ఖ్ అని చెప్పాడు. ఈ మ‌ధ్య అక్క‌డ షూటింగ్ చేసిన‌పుడు ఆ ప్రాంతం తెగ న‌చ్చేసింద‌ని చెప్పాడు.