‘అత్తారింటికి దారేది’ సినిమాలో నిన్ను చూడగానే.. అనే పాటలో దేవిశ్రీ ప్రసాద్ స్పెషల్ అప్పీరియన్స్ ఆ సినిమా హైలైట్లలో ఒకటిగా నిలిచింది. ఆ తర్వాత ‘సన్నాఫ్ సత్యమూర్తి’ సినిమా కోసం బన్నీతో కలిసి ఓ ప్రమోషనల్ సాంగ్ చేసి.. అందులోనూ అదరగొట్టేశాడు దేవి. తనకు చాలా విషయాల్లో దేవిశ్రీ స్ఫూర్తి అని చెప్పే తమన్.. ఈ స్పెషల్ అప్పీరియన్స్ విషయంలోనూ దేవిని ఫాలో అయిపోతున్నట్లున్నాడు. మెగా హీరో సాయిధరమ్ తేజ్ కథానాయకుడిగా నటిస్తున్న ‘సుప్రీమ్’ సినిమాలో తమన్ కనిపించబోతున్నట్లు కొన్ని రోజులుగా వార్తలొస్తున్న సంగతి తెలిసిందే. ఐతే ఈ సినిమాలో క్యారెక్టరేదీ చేయలేదు. జస్ట్ ఓ పాటలో తళుక్కుమన్నాడంతే.
ఈ పాటకు సంబంధించిన షూటింగ్ కూడా పూర్తయింది. సాయిధరమ్ తేజ్-తయన్ ఇద్దరి మీదా ఈ పాట చిత్రీకరించారు. తమన్ ఇందులో ర్యాప్ పాడుతుంటే.. సాయిధరమ్ డ్యాన్స్ చేస్తాడన్నమాట. దీనికి సంబందించిన విజువల్స్ కూడా ట్విట్టర్లో షేర్ చేశాడు తమన్. బ్లేజర్ వేసుకుని.. టోపీ పెట్టుకుని తమన్ మైకుతో పాటేసుకుంటుంటే.. సాయిధరమ్ స్టైలిష్ అవతారంలో డ్యాన్స్ చేస్తున్నాడు. ఐతే సాయిధరమ్ అవతారం చూస్తుంటే.. ‘తమ్ముడు’ సినిమాలో పవన్ కళ్యాణే గుర్తుకొస్తున్నాడు. దిగి దిగి తక తక పాటలో అచ్చం ఇలాంటి డ్రెస్సే వేస్తాడు పవన్. ఇప్పటికే సాయిధరమ్ సినిమాల్లో పవన్ కళ్యాణ్.. చిరంజీవిల అనుకరణ ఎక్కువైపోతోందన్న విమర్శలున్నాయి. ‘సుప్రీమ్’లో డోస్ మరీ ఎక్కువైపోవడంతో ఇక ఇలాంటి వాటికి ఫుల్ స్టాప్ పెట్టేస్తాడేమో అనుకున్నారు జనాలు. కానీ సాయికి మాత్రం అలాంటి ఆలోచనలేమీ ఉన్నట్లు లేవు.
ఈ పాటకు సంబంధించిన షూటింగ్ కూడా పూర్తయింది. సాయిధరమ్ తేజ్-తయన్ ఇద్దరి మీదా ఈ పాట చిత్రీకరించారు. తమన్ ఇందులో ర్యాప్ పాడుతుంటే.. సాయిధరమ్ డ్యాన్స్ చేస్తాడన్నమాట. దీనికి సంబందించిన విజువల్స్ కూడా ట్విట్టర్లో షేర్ చేశాడు తమన్. బ్లేజర్ వేసుకుని.. టోపీ పెట్టుకుని తమన్ మైకుతో పాటేసుకుంటుంటే.. సాయిధరమ్ స్టైలిష్ అవతారంలో డ్యాన్స్ చేస్తున్నాడు. ఐతే సాయిధరమ్ అవతారం చూస్తుంటే.. ‘తమ్ముడు’ సినిమాలో పవన్ కళ్యాణే గుర్తుకొస్తున్నాడు. దిగి దిగి తక తక పాటలో అచ్చం ఇలాంటి డ్రెస్సే వేస్తాడు పవన్. ఇప్పటికే సాయిధరమ్ సినిమాల్లో పవన్ కళ్యాణ్.. చిరంజీవిల అనుకరణ ఎక్కువైపోతోందన్న విమర్శలున్నాయి. ‘సుప్రీమ్’లో డోస్ మరీ ఎక్కువైపోవడంతో ఇక ఇలాంటి వాటికి ఫుల్ స్టాప్ పెట్టేస్తాడేమో అనుకున్నారు జనాలు. కానీ సాయికి మాత్రం అలాంటి ఆలోచనలేమీ ఉన్నట్లు లేవు.