నందమూరి వారసుడి ఎంట్రీ ఖాయమైందోచ్

నందమూరి బాలకృష్ణ వందో చిత్రం గౌతమిపుత్ర శాతకర్ణి ఇప్పుడు టాలీవుడ్ సెన్సేషన్ అయిపోయింది. వందో చిత్రాన్ని ఎంతో ప్రతిష్టాత్మకంగా తెరకెక్కించిన ఆయన.. తెలుగువాడి ఘనకీర్తిని మరోసారి చాటి చెప్పారు. అయితే.. నందమూరి బాలకృష్ణ వారసుడు మోక్షజ్ఞ సినీ రంగ ప్రవేశంపై చాలాకాలం నుంచే మాటలు వినిపిస్తున్నాయ్ కానీ.. ఇప్పటివరకూ ఎవరూ ఇదీ ఫైనల్ అంటూ బైట పెట్టలేదు.

కానీ నిర్మాత సాయి కొర్రపాటి ఇప్పుడా శుభవార్త చెప్పేశారు. శాతకర్ణి చిత్రాన్ని వైజాగ్.. సీడెడ్ ఏరియాల్లో డిస్ట్రిబ్యూట్ చేసిన ఈయన.. తాజాగా మీడియాతో మాట్లాడుతూ మోక్షజ్ఞ అరంగేట్రంపై పెదవి పిప్పేశారు. మోక్షజ్ఞను లాంఛ్ చేయబోయే తానే నిర్మించబోతున్నట్లు చెప్పారు సాయి కొర్రపాటి. ఈ మేరకు బాలయ్య నుంచి గతంలోనే తను వాగ్దానం కూడా తీసుకున్నానని.. మోక్షజ్ఞ ఎంట్రీ తమ బ్యానర్ వారాహి చలన చిత్రం పైనే ఉంటుందని తేల్చేశారు ఈ నిర్మాత.

అయితే.. ఈ ప్రాజెక్టు ఎప్పుడు పట్టాలెక్కుతుందనే విషయంపై మాత్రం ఈయన బైటకు చెప్పలేదు. ప్రస్తుతానికి కథా చర్చలు జరుగుతున్నాయా అన్న ప్రశ్నకు కూడా సమాధానం దాటవేసేశారు. ఇప్పుడున్న స్పీడ్ చూస్తుంటే.. మోక్షజ్ఞ ఎంట్రీపై త్వరలోనే నందమూరి అభిమానులు శుభవార్త వినే అవకాశాలు ఉన్నాయంటున్నారు సినీ జనాలు.


Like Us on Facebook : https://www.facebook.com/Tupakidotcom/