స్టార్ హీరో కూతురు.. ఖాయం అయిపోయింది

సైఫ్ అలీ ఖాన్ త్వరలో రంగూన్ మూవీతో ప్రేక్షకుల ముందుకు రాబోతోన్నాడు. పీరియాడికల్ గా తెరకెక్కిన ఈ చిత్రంపై ఇండస్ట్రీలో చాలానే అంచనాలు ఉన్నాయి. కంగనా రనౌత్ తో సైఫ్ చేసిన రొమాన్స్ ఈ మూవీకి హైలైట్ కానుందని టాక్. రంగూన్ మూవీ ప్రమోషన్స్ లో భాగంగా ఇంటర్వ్యూలు ఇస్తున్న సైఫ్.. కొత్త విషయాలు కూడా చెప్పేశాడు.

తన కూతురు సారా అలీ ఖాన్ తెరంగేట్రంపై పెదవి విప్పాడు సైఫ్ అలీ ఖాన్. ఈమె సినీ రంగ ప్రవేశంపై చాలా కాలంగానే మాటలు వినిపిస్తున్నా.. ఇప్పుడు అధికారికంగా చెప్పేశాడు సైఫ్. కరణ్ జోహార్ నిర్మించనున్న చిత్రం ద్వారా సారా ఆలీ ఖాన్ హీరోయిన్ గా ఎంట్రీ ఇవ్వబోతోందని చెప్పాడు ఈ స్టార్ హీరో. సినిమాలను అర్ధం చేసుకోవడం.. నటీనటుల ట్యాలెంట్ ను గుర్తించి ఉపయోగించుకోవడంలో.. అందరికంటే ఎక్కువ ప్రతిభ ఉన్న కరణ్ జోహార్ నిర్మాణంలో.. తన కూతురు బాలీవుడ్ లో ప్రవేశించనుండడం సంతోషంగా ఉందని చెప్పాడు సైఫ్.

త్వరలో ఈ ప్రాజెక్టుకు సంబంధించిన మరిన్ని డీటైల్స్ వెల్లడిస్తానని సైఫ్ అలీ ఖాన్ చెప్పాడు. స్టార్స్ వారసులను ఇంట్రడ్యూస్ చేయడాన్ని.. కరణ్ జోహార్ బాగానే హ్యాండిల్ చేస్తున్నాడు. త్వరలో శ్రీదేవి కూతురు జాన్వి కపూర్ కూడా ఈయన సినిమా ద్వారానే పరిచయం కానుందనే వార్తలు ఉన్నాయి.

Like Us on Facebook : https://www.facebook.com/Tupakidotcom/