షారూఖ్‌-సైనా.. వాటే ట్వీట్స్‌!!

బాద్‌షా షారూక్‌ ఖాన్ అంటే ప‌డిచ‌చ్చేవాళ్లెంద‌రో. ప్ర‌పంచవ్యాప్తంగా షారూక్‌ కి వీరాభిమానులున్నారు. అందులో సెల‌బ్రిటీలు కూడా ఎక్కువే. క్రీడాకారులు షారూక్‌ ని విప‌రీతంగా అభిమానిస్తారు. అప్ప‌ట్లో షారూక్ న‌టించిన చ‌క్ దే ఇండియా చూసి ఇన్‌ స్ప‌యిర్ అయిన క్రీడాకారులెంద‌రో. అందులో హాకీ టీమ్ కోచ్‌ గా అద‌ర‌గొట్టేశాడు షారూక్‌. న‌ట‌న‌లో ప్రొఫెష‌న‌లిజం అంటే ఎలా ఉంటుందో చూపించాడు. అదంతా గ‌తం. అయితే ఇప్పుడు షారూక్‌ ఖాన్‌ ని క‌లిసి ఓ సెల్ఫీ దిగేందుకు ఓ తెలుగ‌మ్మాయి, బ్యాడ్మింట‌న్ క్రీడాకారిణి సైనా నెహ్యాల్ ఎంతో ఆస‌క్తిగా ఎదురు చూస్తోంది. ఒక బిజీ టోర్నీ నుంచి ఇటీవ‌లే ఇండియా వ‌చ్చిన సైనా ఇలా త‌న అభిమాన హీరో హైద‌రాబాద్‌ లో ఉన్నాడ‌ని తెలుసుకుని ఎగిరి గంతేసింది. అంతేనా షారూక్‌ తో సామాజిక వెబ్‌ సైట్ ద్వారా సుదీర్ఘంగా మంత‌నాలు సాగించింది.

స‌ర్ మీరు.. హైద‌రాబాద్‌ లో షూటింగుల్లో పాల్గొంటున్నార‌ని తెలిసింది. నేను వెంట‌నే మిమ్మ‌ల్ని క‌ల‌వాల‌నుకుంటున్నా. మాది హైద‌రాబాదే.. అని అంటే .. ఎస్ .. సైనా క‌దూ.. త‌ప్ప‌కుండా మ‌నం మీట్ అవుదాం. ఈరోజు రాత్రికి నేను ఫోన్ చేస్తా. మ‌నం త‌ప్ప‌క క‌లుసుకోవాలి .. అంటూ బాద్‌షా నుంచి స‌మాధానం వ‌చ్చింది. దీంతో ఎంతో ఎగ్జ‌యిట్ అయిపోతోంది సానియా. త‌న అభిమాన హీరోని క‌లుసుకునే అరుదైన సంద‌ర్భం కోసం ఎంతో ఉత్సాహంగా ఉంది. ప్ర‌స్తుతం రామోజీ ఫిలింసిటీలో షారూక్ -కాజోల్ జంట‌గా దిల్‌ వాలే తెర‌కెక్కుతున్న సంగ‌తి తెలిసిందే. ఇలా క‌లుసుకుని సైనా షారూక్‌ తో ఏం మాట్లాడుతుంది? బ‌్యాడ్మింట‌న్ బ్యాక్‌ డ్రాప్‌ లో మ‌రో చ‌క్ దే ఇండియా కావాల‌ని అడుగుతుందా?  ప్చ్‌.. ఇప్ప‌టికే సైనా వ‌రల్డ్ ర్యాంకింగ్స్‌లో నంబ‌ర్ 1 స్థానాన్ని అందుకుంది. కాబ‌ట్టి ఈ టార్గెట్ ఎచీవ్‌ మెంట్‌ లో ఎన్ని చెక్ దే లు క‌నిపించాయో. చ‌క్ దే ఇండియాకి సీక్వెల్ తీస్తే బావుంటుంది క‌దూ?