హోటల్ మొదలెట్టిన మరో కుర్ర హీరో

ఇప్పుడు అందరూ హోటళ్ల మీదనే పడ్డారు. అంతేలేండి.. హైదరాబాద్ లో సాఫ్ట్ వేర్ కంపెనీల తరువాత బాగా లాభం తెచ్చే బిజినెస్ లు హోటళ్ళేనట. అసలు కొత్త ఫుడ్ జాయింట్ వచ్చిందంటే చాలు.. కుర్రాళ్లు అక్కడే హ్యాంగవుట్ అవుతున్నారు. ఆల్రెడీ నాగార్జున ఎన్-గ్రిల్.. నితిన్ అండ్ నీరజ కోన టి-గ్రిల్.. అలాగే కుర్ర హీరో శశాంక్ మాయాబజార్.. అందరికంటే ముందు ఒక దర్శకుడు మొదలెట్టిన ఉలవచారు.. ఇవన్నీ హైదరాబాద్ లో బాగా క్లిక్ అయ్యాయ్.

ఇప్పుడు ఇదే గ్రూపులోకి జాయిన్ అయిపోతు.. సినిమాల సంగతి ఎలా ఉన్నా కూడా బిజినెస్ బిజినెస్సే అన్న చందాన హీరో సందీప్ కిషన్ కూడా ఒక చెయ్యేశాడు. మనోడు జూబ్లీ హిల్స్ లో ''వివాహ భోజనంబు'' అనే రెస్టారెంట్ తెరుస్తున్నాడు. ఇప్పటికే మీడియాలోని కొందరు జర్నలిస్టులను అక్కడకు ఇన్వయిట్ చేసి.. మనోడు నోరూరించే భోజనాలు పెట్టించాడు. అది ఆస్వాదించిన కొందరు.. వావ్ నాన్ వెజ్ మీల్స్ అదిరిపోయింది అంటున్నారు. పైగా మెనూలో ఇంకా చాలా తెలుగు రుచులు ఉన్నాయట. అలాగే హోటల్ లుక్ అండ్ ఫీల్ కూడా అదిరింది అంటున్నారు. ఎంతైనా సినిమా వాళ్ళు కదండీ.. ఆ మాత్రం ఆర్ట్ డిజైన్ అదరగొట్టరేంటి.

త్వరలోనే ఈ హోటల్ ను గ్రాండ్ గా ఓపెన్ చేస్తారని తెలుస్తోంది.

Like Us on Facebook : https://www.facebook.com/Tupakidotcom/