మజిలీ దర్శకుడికి మహా ఛాన్స్

మజిలీ లాంటి సాఫ్ట్ అండ్ ఫ్యామిలీ ఎంటర్టైనర్ తో వసూళ్ల వర్షం కురిపిస్తున్న దర్శకుడు శివ నిర్వాణ నెక్స్ట్ మూవీ ఎవరితో అనే విషయంలో అప్పుడే ఊహాగానాలు అంచనాలు మొదలైపోయాయి. ఇటీవలి కాలంలో సున్నితమైన ఎమోషన్స్ ని ఇంత చక్కగా ప్రెజెంట్ చేసిన దర్శకుడు లేకపోవడంతో శివకు ప్రత్యేకమైన గుర్తింపు వస్తోంది. తెలిసిన కథలనే చాలా తెలివిగా సెంటిమెంట్ థ్రెడ్ తో అల్లుకుని మెప్పిస్తున్న తీరు ఇప్పుడు టాక్ అఫ్ ది టౌన్ గా మారింది.

తాజా అప్ డేట్ ప్రకారం శివ నిర్వాణతో చేసేందుకు రౌడీ బాయ్ విజయ్ దేవరకొండ ఆసక్తి చూపుతున్నట్టు సమాచారం. శివ నిర్వాణ ఇప్పటికిప్పుడు వెంటనే సినిమా చేసే మూడ్ లో లేడు. మజిలీ సక్సెస్ ని ఒకవైపు ఎంజాయ్ చేస్తుండగానే కొడుకు పుట్టిన శుభవార్త ఉక్కిరిబిక్కిరి చేస్తోంది. ఈ నేపథ్యంలో కొంత టైం తీసుకుంటాడు

నిన్ను కోరి తర్వాత రెండేళ్ల గ్యాప్ తీసుకున్న శివ ఇప్పుడు తర్వాత సినిమాకు అంతే తీసుకున్నా ఆశ్చర్యం లేదు. కథ ఏదైనా దాని స్క్రిప్ట్ విషయంలో చాలా జాగ్రత్తలు తీసుకునే శివ విజయ్ దేవరకొండతో కనక ఓకే అయితే ఆ కాంబోకు వచ్చే క్రేజ్ గురించి ప్రత్యేకంగా చెప్పాల్సిన పని లేదు. అయితే దీని గురించి అటు శివ కానీ ఇటు విజయ్ దేవరకొండ కానీ ఎలాంటి మాట చెప్పే అవకాశం ప్రస్తుతానికి లేదు.

విజయ్ ఒకపక్క డియర్ కామ్రేడ్ ప్రమోషన్ తో పాటు క్రాంతి మాధవ్ దర్శకత్వంలో రూపొందుతున్న సినిమాతో బిజీగా ఉన్నాడు. ఇది కాకుండా మల్టీ లాంగ్వేజ్ మూవీ హీరో కూడా సెట్స్ మీద ఉంది. సో మజిలీ దర్శకుడితో అర్జున్ రెడ్డి జట్టు కడతాడా లేదా అని తేలడానికి కొంత టైం అయితే పడుతుంది