కమిట్ మెంటుకు నిలువెత్తు కటౌట్‌ శృతి

శృతి హాసన్ కి దీపావళి ముందురోజు డబుల్ బొనాంజా ఆఫర్ దక్కింది. నవంబర్ 10న రిలీజ్ అయిన రెండు సినిమాలను.. అదే రోజు చూడాల్సి వచ్చింది. అందులో ఒకటి అజిత్ వేదాలం అయితే.. రెండోది కమల్ హాసన్ నటించిన తూంగావనం.

తెల్లారగానే రెడీ అయిపోయి వచ్చేసి.. ముందు మార్నింగ్ షోకి వెళ్లిపోయింది శృతి. అజిత్ కి జంటగా తను నటించిన వేదాలం చిత్రాన్ని ప్రేక్షకులతో కలిసి చూసి ఎంజాయ్ చేసింది. తర్వాత బైట కొచ్చి ఫ్రెష్ అయిపోయి.. ఈవెనింగ్ షోకి బయల్దేరింది. ఈసారి తన తండ్రి చేసిన తూంగావనం చూడ్డానికి వెళుతూ.. రెండు సినిమా టికెట్లతో ఓ ఫోటో తీసి పోస్ట్ చేసింది.  అదేంటీ.. ముందు తండ్రి మూవీ చూడాలిగా అనుకోవచ్చు కానీ.. అది తమ సినిమాలపై ఆ ఫ్యామిలీకి ఉన్న కమిట్మెంట్. ఇప్పుడు కమల్ హాసన్ నే తీసుకున్నా.. ముందు తన సినిమాకే వెళ్తాడు తప్ప కూతురి మూవీ చూడడు కదా. అలాగే కూతురు శృతి కూడా. ముందు తను నటించిన మూవీకే ప్రిఫరెన్స్ ఇచ్చి.. నెక్ట్స్ తండ్రి సినిమాకి ప్లేస్ ఇచ్చిందన్న మాట.

ఇప్పుడు అర్ధమైందా.. కమిట్ మెంట్ అనే మాటకు నిలువెత్తు కటౌట్‌ ఎలా ఉంటుందో? శృతి హాసన్‌ అనే అనుకోవాలి మరి. ఇకపోతే అమ్మడు ఈవేళ రిలీజైన వేదళం సినిమాకు సూపర్‌ హిట్‌ టాక్‌ రావడంతో ఎంచక్కా ఎంజాయ్‌ చేస్తోంది. తమిళంలో అమ్మడికి ఇదే పెద్ద హిట్టు సినిమా అవుతుందేమో చూడాలి. ఎందుకంటే ఇప్పటివరకు అక్కడన్నీ యావరేజ్‌ సినిమాలే పడ్డాయ్‌ ఈమె ఖాతాలో.