ఫోటో స్టోరీ: బాల బ‌బ్లీ హాస‌న్‌

ప‌వ‌ర్‌ స్టార్ ప‌వ‌న్‌ క‌ల్యాణ్ స‌ర‌స‌న రెండు సినిమాల్లో న‌టించింది శ్రుతిహాస‌న్. టాలీవుడ్ నంబ‌ర్ వ‌న్ స్టార్ స‌ర‌స‌న‌ గ‌బ్బ‌ర్‌ సింగ్ - కాట‌మ‌రాయుడు చిత్రాల్లో న‌టించింది. వీటిలో ఒక‌టి బ్లాక్‌ బ‌స్ట‌ర్ హిట్. వేరొక‌టి డిజాస్ట‌ర్. ఇక మ‌రో స్టార్ హీరో మ‌హేష్ స‌ర‌స‌న శ్రీ‌మంతుడు చిత్రంలో న‌టించి బంప‌ర్ హిట్ కొట్టింది. కెరీర్ పీక్స్‌ లో ఉండ‌గానే ఈ అమ్మ‌డు తీసుకున్న సంచ‌ల‌న నిర్ణ‌యం అంద‌రినీ ఆశ్చ‌ర్యానికి గురి చేసింది. లైఫంటే సినిమాలేనా?  ఇంకేమీ ఉండ‌దా? అంటూ విదేశీ కుర్రాడు మైఖేల్ కోర్స‌లేతో స్నేహం చేయ‌డం - అటుపై మామ్‌-డాడ్ (క‌మ‌ల్‌ హాస‌న్ - సారిక‌)ల‌కు త‌న బోయ్‌ ఫ్రెండ్‌ ని ప‌రిచ‌యం చేయ‌డం ఇవ‌న్నీ రీళ్లు రీళ్లుగా అభిమానుల క‌ళ్ల ముందు గిర‌గిరా తిరుగుతూనే ఉన్నాయి.

ప్ర‌స్తుతం మ‌హేష్ మంజ్రేక‌ర్ ద‌ర్శ‌క‌త్వంలో ఓ బాలీవుడ్ చిత్రంలో న‌టిస్తోంది. అయితే సౌత్‌ లో మాత్రం వేరొక సినిమాకి సంత‌కం చేయ‌క‌పోవ‌డంతో ఒక‌వేళ సినిమాలు వ‌దిలేస్తోందా?  సౌత్‌ని లైట్ తీస్కుందా? అంటూ అభిమానుల్లో చ‌ర్చ సాగింది. ఈ సందేహాల‌కు ఇటీవ‌లే ఓ ఇంట‌ర్వ్యూలో త‌న‌దైన శైలిలో స‌మాధాన‌మిచ్చింది. సినిమాల్ని వ‌దిలేసే ఛాన్సే లేదు. ఇప్ప‌ట్లో ఆ ఆలోచ‌నే లేదు. కావాల‌నే చిన్న బ్రేక్ తీసుకున్నా. మళ్లీ రంగంలోకి దిగిపోతున్నా.. అంటూ హింట్ ఇచ్చింది.

అదంతా స‌రే.. శ్రుతిహాస‌న్‌ ని క‌థానాయిక‌గా చూశాం. చిట్టిపొట్టి గౌనులో చిన్నారిగా ఉన్న‌ప్పుడు .. డాడ్ ఒళ్లో జోల‌పాడుతున్న‌ప్పుడు ఎప్పుడైనా చూశారా?  క్యూట్ శ్రుతిహాస‌న్ చ‌బ్బీ చ‌బ్బీగా.. బ‌బ్లీగా క‌నిపిస్తున్న ఆ ఛాయాచిత్రాల్ని చూడాల‌నుందా? అయితే ఇదిగో ఈ ఫోటోలు చూసేయండి. మామ్ - డాడ్‌ తో చంటిపాపాయిగా.. డాడ్‌ తో జ‌ల‌కాలాడే చిన్నారిగా.. బోసి నోటి పాపాయిగా.. స్టార్ అయ్యాక‌.. ఇలా ర‌క‌ర‌కాల ఫోటోల్ని అభిమానులు సామాజిక మాధ్య‌మాల్లో షేర్ చేశారు.