రోగ్ కోసం ముగ్గురు బడా స్టార్లు!!

'రోగ్' సినిమాతో ఎంట్రీ ఇవ్వబోతున్నాడు కొత్త కుర్రాడు ఇషాన్. కన్నడ నిర్మాత సి.ఆర్.మనోహర్ కుమారుడు అయిన ఇషాన్.. ఇప్పటికే లుక్స్ పరంగా బాగానే ఎట్రాక్ట్ చేశాడు. దానికితోడు దర్శకుడు పూరి జగన్ ఎప్పుడూ క్రియేట్ చేసే యాటిట్యూడ్ బేస్డ్ హీరోగా మనోడు ఇంప్రెస్ చేశాడనే చెప్పాలి. ఇప్పుడు మనోడ్ని కన్నడలో లాంఛ్ చేయడానికి భారీ ప్రయత్నాలే జరుగుతున్నాయి.

మార్చి 9న బెంగుళూరు ప్యాలెస్ లో రోగ్ సినిమా ఆడియో లాంచ్ జరగబోతోంది. సునీల్ కశ్యప్ అందించిన బాణీల కన్నడ వర్షన్ ను అక్కడే రిలీజ్ చేస్తున్నారు. ఈ కార్యక్రమానికి చీఫ్‌ గెస్టులుగా బెగ్గెస్ట్ కన్నడ స్టార్లు అయిన శివరాజ్ కుమార్.. పునీత్ రాజ్ కుమార్.. సుదీప్ లు రానుండటం విశేషం. ఈ ముగ్గురూ తలా ఒక పాటను లాంచ్ చేస్తూ.. ఇషాన్ ను గ్రాండ్ గా లాంచ్ చేస్తారట. మొత్తానికి ఇషాన్ ను ఆల్మోస్ ఒక హీరో వారసుడ్ని లాంచ్ చేసిన రేంజులో దించుతున్నారనమాట.

ఇకపోతే తెలుగులో ఆల్రెడీ మనోడు ట్రైలర్ లాంచ్ తో పరిచయం చేశాడు కాబట్టి.. ఇక్కడ పెద్దగా లాంచింగులూ గట్రా ఏమీ ఉండవేమో. ఇక రోగ్ లో ఇషాన్ ఒకెత్తయితే.. పోటీపడుతూ అందాలను విపరీతంగా ఆరేసిన మన్నారా చోప్రా మరియు ఏంజెలినా క్రిసిలింజికి మరో ఎత్తు. అది సంగతి.


Like Us on Facebook : https://www.facebook.com/Tupakidotcom/