సూపర్‌ స్టార్స్‌ కు ఫ్లాప్‌ డైరెక్టర్‌ మోస్ట్‌ వాంటెడ్‌

'ఖుషి' చిత్రంతో పాటు తెలుగు మరియు తమిళంలో ఎన్నో అద్బుత చిత్రాలను తెరకెక్కించిన దర్శకుడు ఎస్‌ జే సూర్య. ఈయన దర్శకుడిగా చిన్న వయస్సులోనే ఎంతటి గొప్ప సక్సెస్‌ లను అందుకున్నాడో, అంతే స్పీడ్‌ గా ఫ్లాప్‌ లు, అట్టర్‌ ఫ్లాప్‌ లు పొందాడు. దర్శకుడిగా సూర్య ప్రస్థానం ముగిసిందని భావిస్తున్న నేపథ్యంలో అనూహ్యంగా నటుడిగా ఎంట్రీ ఇచ్చాడు. గతంలో కూడా కొన్ని సినిమాల్లో క్యారెక్టర్‌ ఆర్టిస్టుగా, హీరోగా నటించిన సూర్య ప్రస్తుతం ఫుల్‌ టైం నటుడిగా మారిపోయాడు. తెలుగులో మహేష్‌ బాబు నటించిన 'స్పైడర్‌' చిత్రంలో విలన్‌ పాత్రను పోషించాడు.

సూపర్‌ స్టార్‌ మహేష్‌ బాబు స్పైడర్‌ చిత్రం ఫ్లాప్‌ అయినా కూడా ఎస్‌ జే సూర్య నటనకు మంచి మార్కులు పడ్డాయి. అద్బుతమైన నటనతో ఆకట్టుకున్నాడు. ఇక తమిళ స్టార్‌ విజయ్‌ హీరోగా తెరకెక్కి బ్లాక్‌ బస్టర్‌ అయిన 'మెర్షల్‌' సినిమాలో కూడా సూర్య విలన్‌ పాత్రను పోషించి పండించాడు. నటుడిగా వరుసగా చిత్రాల్లో నటిస్తున్న ఎస్‌ జే సూర్య తాజాగా మరో సూపర్‌ స్టార్‌ మూవీలో విలన్‌ పాత్రకు ఎంపిక అయ్యాడు.

తమిళ సినీ వర్గాల నుండి అందుతున్న విశ్వసనీయ సమాచారం ప్రకారం సూపర్‌ స్టార్‌ రజినీకాంత్‌ హీరోగా మురుగదాస్‌ దర్శకత్వంలో తెరకెక్కబోతున్న ఒక భారీ యాక్షన్‌ ఎంటర్‌ టైనర్‌ చిత్రంలో ఎస్‌ జే సూర్యను విలన్‌ పాత్రకు ఎంపిక చేసినట్లుగా తెలుస్తోంది. స్పైడర్‌ చిత్రంలో ఎస్‌ జే సూర్య నటించాడు, ఆ సినిమా ఫ్లాప్‌ అయినా కూడా మురుగదాస్‌ మాత్రం సూర్యపై నమ్మకంతో రజినీకాంత్‌ మూవీలో కూడా మరో ఛాన్స్‌ ఇచ్చాడు. ఈసారి సూర్యకు మంచి పాత్రను ఇస్తున్నట్లుగా తెలుస్తోంది. పవర్‌ ఫుల్‌ విలనిజం చూపించడంలో ఎస్‌ జే సూర్య పండిపోయాడు. దాంతో సూపర్‌ స్టార్స్‌ అంతా కూడా సూర్యను విలన్‌ గా కోరుకుంటున్నారు. దాంతో ఎస్‌ జే సూర్య తమిళనాట మోస్ట్‌ వాంటెడ్‌ అయ్యాడు.