ట్రైలర్ టాక్: మసాలా యాక్షన్ కు దిగిన ఖిలాడి

'గోల్ మాల్' సీరీస్ 'చెన్నై ఎక్స్ ప్రెస్'.. 'సింగం'.. 'సింబా' లాంటి సినిమాలతో సూపర్ హిట్లు సాధించిన బాలీవుడ్ దర్శకుడు రోహిత్ శెట్టి తాజాగా 'సూర్యవంశి' ట్రైలర్ తో ప్రేక్షకుల ముందుకు వచ్చాడు. బోయపాటి స్టైల్ హీరోయిజం.. యాక్షన్ సన్నివేశాలను బాలీవుడ్ ప్రేక్షకులకు చూపించడంలో రోహిత్ శెట్టి ఒక దిట్ట. ఈ హంగామాకు ఖిలాడి అక్షయ్ కుమార్ తోడైతే ఇక ఆ జోష్ చెప్పనలవి కాదు. 'సూర్యవంశి' లో అక్షయ్ మాస్ హీరోయిజంను రోహిత్ శెట్టి ఫుల్లుగా వాడుకున్నాడు.

ఈ ట్రైలర్లో ఇండియన్ పోలీస్ గొప్పదనం చూపేలా భారీ యాక్షన్ సీన్స్ పొందుపరిచారు. అక్షయ్ కుమార్ మాత్రమే కాకుండా 'కాప్ యూనివర్స్' పేరుతో 'సింగమ్'.. 'సింబా' హీరోలు అజయ్ దేవగణ్.. రణవీర్ సింగ్ లను ఈ సినిమాలో నటింపజేయడంతో ఈ సినిమా ఒక మల్టిస్టారర్ గా మారిపోయింది. 255 సెకండ్ల ట్రైలర్లో ఈ సినిమా స్టోరీలైన్ వెల్లడించారు. విలన్ల గ్యాంగులు ముంబైని సర్వనాశనం చేసేందుకు ప్రయత్నిస్తూ ఉంటాయి. ఈ కిరాతక ముఠాలను ఆపగలిగేవాడు.. వారిని మట్టుబెట్టగలిగేవాడు మన ఖిలాడి.

ఈ భారీ యాక్షన్ ఫిలిమ్ లో అక్షయ్ కుమార్ కు జోడీగా కత్రినా కైఫ్ హీరోయిన్ గా నటిస్తోంది. ఈ ట్రైలర్ లో ఫేమస్ సింగం ఎంట్రీ పై.. అక్షయ్ కుమార్ చేసే డేంజరస్ స్టంట్లపై కూడా సెటైర్లు వెయ్యడం విశేషం. ఇక సూర్యవంశి పాత్రలో బోయపాటి స్టైల్లో చెలరేగిపోయి రౌడీల ను తుక్కురేగ్గొడుతూ ఎడాపెడా హిందీ పంచ్ లు వేస్తూ చెలరేగిపోయే అక్షయ్ కుమార్ ను వెండి తెరపై చూడాలంటే మార్చ్ 24 వరకూ వేచి చూడాలి.
Full View