హ‌రి హ‌ర లో ఈ స‌ర్‌ ప్రైజ్ తెలుసా?

ప‌వ‌ర్ స్టార్ ప‌వ‌న్ క‌ల్యాణ్ మ‌ళ్లీ స్పీడు పెంచారు. మూడున్న‌రేళ్ల విరామం త‌రువాత మ‌ళ్లీ కెమెరా ముందుకొచ్చారు. `వ‌కీల్ సాబ్‌`, భీమ్లానాయ‌క్ వంటి బ్లాక్ టు బ్యాక్ హిట్ ల‌తో సంద‌డి చేయ‌డం మొద‌లుపెట్టారు. ప్ర‌స్తుతం ప‌వ‌న్ క‌ల్యాణ్ న‌టిస్తున్న తాజా చిత్రం `హ‌రి హ‌ర వీర‌మల్లు`. క్రిష్ డైరెక్ట్ చేస్తున్న ఈ మూవీని స్టార్ ప్రొడ్యూస‌ర్ ఏ.ఎం. ర‌త్నం మెగా సూర్య ప్రొడ‌క్ష‌న్స్ బ్యాన‌ర్ పై ఈ భారీ చిత్రాన్ని నిర్మిస్తున్నారు. ప‌వ‌ర్ స్టార్ న‌టిస్తున్న తోలి జాన‌ప‌ద చిత్ర‌మిది.

17వ శ‌తాబ్దం నేప‌థ్యంలో మొఘ‌ల్ సామ్రాజ్యం నాటి క‌థ‌గా ఈ చిత్రాన్ని రూపొందిస్తున్నారు. ఆ కాలం నాటి రాబిన్ హుడ్ త‌ర‌హా బందిపోటు గా ఈ చిత్రంలో ప‌వ‌న్ క‌ల్యాణ్ క‌నిపించ‌బోతున్నారు. ప‌వ‌న్ కెరీర్ లోనే అత్యంత భారీ బ‌డ్జెట్ తో ఈ మూవీని క్రిష్ తెర‌కెక్కిస్తున్నారు. ఇప్ప‌టికే పాన్ ఇండియా చిత్రాల హ‌వా కొన‌సాగుతున్న నేప‌థ్యంలో ఈ  చిత్రంతో పాన్ ఇండియా వైడ్ ఆడియ‌న్స్ ని టార్గెట్ చేస్తూ ఈ సినిమాని రిలీజ్ చేయ‌బోతున్నారు.

గ‌త కొంత కాలంగా క‌రోనా, ఒమిక్రాన్ ల వ‌ల్ల షూటింగ్ ఆలస్య‌మ‌వుతూ వ‌చ్చిన ఈ చిత్ర తాజా షెడ్యూల్ ఈ నెల 6 నుంచి హైద‌రాబాద్ లో మొద‌లైంది. ప‌ద్మ‌శ్రీ తోట త‌ర‌ణి నేతృత్వంలో భారీ సెట్ ల‌ని ఏర్పాటు చేశారు. గ్రీన్ మ్యాట్ లో కీల‌క పోరాట ఘ‌ట్టాల‌ని చిత్రీక‌రిస్తున్నారు. అంతే కాకుండా భారీ సెట్ లలోనూ షూటింగ్ జ‌రుగుతోంది. నిధి అగ‌ర్వాల్ హీరోయిన్ గా న‌టిస్తున్న ఈ చిత్రంలోని కీల‌క పాత్ర‌లో రోష‌నార‌గా బాలీవుడ్ సెక్సీ లేడీ న‌ర్గీస్ ఫ‌క్రీ క‌నిపించ‌బోతోంది.

ఇక ఔరంగ‌జేబు పాత్ర‌లో బాలీవుడ్ న‌టుడు అర్జున్ రాంప‌ల్ న‌టిస్తున్నారు. ఇదిలా వుంటే ఈ చిత్రానికి సంబంధించిన ఓ స‌ర్ ప్రైజింగ్ న్యూస్ నెట్టింట చ‌క్క‌ర్లు కొడుతోంది. సినిమాలో ప‌వ‌ర్ స్టార్ బండిపోటు దొంగ హ‌రి హ‌ర వీర‌మ‌ల్లు గా క‌నిపించ‌నున్న విష‌యం తెలిసిందే. అయితే క‌థానుగుణంగా సినిమాలో మూడు విభిన్న‌మైన గెట‌ప్ ల‌లో ప‌వ‌న్ క‌ల్యాణ్ క‌నిపించ‌నున్నార‌ని తెలిసింది. అంతే కాకుండా సినిమాలో దాదాపుగా 30 ర‌కాల థీమ్ డ్రెస్సుల్లో ప‌వ‌న్ క‌నిపించి స‌ర్ ప్రైజ్ చేయ‌నున్నార‌ని, సినిమాకు ప్ర‌ధాన ఆక‌ర్ష‌ణ‌గా నిల‌వనుంద‌ని తెలిసింది.