మూడేళ్ల త‌ర్వాతే తనని లాంచ్ చేస్తా

ఇటీవ‌లి కాలంలో టాలీవుడ్‌ లో న‌ట‌వార‌సుల హ‌వాపై డిష్క‌స‌న్ సాగుతున్న సంగ‌తి తెలిసిందే. అక్కినేని నాగార్జున న‌ట‌వార‌సుడు అఖిల్ ఆరంగేట్రంపై ఇప్ప‌టికే బోలెడంత చ‌ర్చ జ‌రిగింది. త్వ‌ర‌లోనే బాల‌య్య‌బాబు త‌న‌యుడు మోక్ష‌జ్ఞ ఎంట్రీ ఇవ్వ‌బోతున్నాడ‌న్న ప్ర‌చార‌మూ సాగింది. ఆ క్ర‌మంలోనే శ‌తాధిక చిత్రాల హీరో శ్రీ‌కాంత్ త‌న‌యుడు రోష‌న్ హీరో అవుతున్నాడ‌న్న వార్త‌కు ఎంతో పాపులారిటీ వ‌చ్చింది.

నిర్మ‌ల కాన్వెంట్ సినిమాతో రోష‌న్ నూనూగు మీసాల హీరోగా తొలి అడుగు వేస్తున్నాడు. ఇందులో స్కూల్ బోయ్‌ గా - చాక్లెట్‌ బోయ్‌ గా - ల‌వ‌ర్‌ బోయ్‌ గా క‌నిపిస్తున్నాడ‌ని చెప్పుకున్నారు. అయితే రోష‌న్ ఈ సినిమా త‌ర్వాత వెనువెంట‌నే సినిమాల్లో కొన‌సాగుతాడా? అన్న ప్ర‌శ్న వేస్తే శ్రీ‌కాంత్ ఏమ‌న్నారో తెలుసా? అబ్బే అదేం లేదండి. ప్ర‌స్తుతం రోష‌న్ ఇంట‌ర్ మొద‌టి సంవ‌త్స‌రం చ‌దువుతున్నాడు. కాబ‌ట్టి ముందు చదువుల్ని నెగ్లెక్ట్ చేయ‌కూడ‌దు. మూడేళ్ల త‌ర్వాత నేనే అత‌డిని అధికారికంగా లాంచ్ చేస్తాన‌ని చెప్పాడు.

నిర్మ‌లా కాన్వెంట్ ఏదో పార్ట్ టైమ్ సినిమా అన్న‌ట్టే చెప్పుకొచ్చాడు. పైగా రోష‌న్‌ కి అఖిల్‌ లానే క్రికెట్ పిచ్చి. అందుకే ఇప్పుడు క్రీసెంట్ క్రికెట్ క‌ప్ (సీసీసీ) టోర్నీలో ఆడుతున్నాడు. ఇది చారిటీ కోసం చేస్తున్న‌ది. రెండే రెండు టీమ్‌ ల మ‌ధ్య పోటీ. నేను ఒక కెప్టెన్‌ ని - త‌రుణ్ ఇంకో టీమ్ కెప్టెన్‌.. అంటూ శ్రీ‌కాంత్ చెప్పుకొచ్చాడు. అంటే మూడేళ్ల లో రోష‌న్ కూడా అఖిల్‌లానే క్రికెట్‌ లో మెరుపులు మెరిపించి, ఆ త‌ర్వాత అధికారికంగా పెద్ద స్టార్‌ గా అఖిల్ రేంజులోనే తెరంగేట్రం చేస్తాడ‌న్న‌మాట‌.