మొత్తానికి అక్కినేని నాగార్జున-నానిల మల్టీస్టారర్ అధికారికమే అని తేలిపోయింది. ఈ చిత్రాన్ని సీనియర్ ప్రొడ్యూసర్ అశ్వినీదత్ నిర్మించబోతుండటం విశేషం. ఆయనే ఈ చిత్రం గురించి అధికారిక ప్రకటన కూడా చేసేశారు. ఈ మల్టీస్టారర్ ను యువ దర్శకుడు శ్రీరామ్ ఆదిత్య రూపొందించబోతుండటం విశేషం. తొలి సినిమా ‘భలే మంచి రోజు’ను చిన్న స్థాయి మల్టీస్టారర్ లాగే రూపొందించాడు శ్రీరామ్. ఆ సినిమాతోనే తన ప్రతిభ చాటుకున్న శ్రీరామ్.. ఈ మధ్యే నలుగురు యువ కథానాయకుల్ని పెట్టి ‘శమంతకమణి’ రూపంలో నిఖార్సయిన మల్టీస్టారర్ తీశాడు. ఆ సినిమా జస్ట్ యావరేజ్ అనిపించుకున్నప్పటికీ ఓ క్రేజీ సినిమా చేసే అవకాశం అతడికి లభించింది.
గత కొన్నేళ్లుగా వైవిధ్యమైన.. మంచి కంటెంట్ ఉన్న కథలు ఎంచుకుంటూ తమ ప్రత్యేకతను చాటుకుంటున్న నాగ్-నాని కలిసి ఓ సినిమా చేయబోతుండటం ప్రేక్షకుల్లో మంచి ఆసక్తి రేకెత్తించే విషయమే. ఇటీవలే శ్రీరామ్.. వీళ్లిద్దరికీ లైన్ చెప్పి గ్రీన్ సిగ్నల్ తెచ్చుకున్నట్లు తెలిసింది. ప్రస్తుతం స్క్రిప్టుకు తుది మెరుగులు దిద్దే పనిలో ఉన్నాడతను. గత కొన్నేళ్లలో ఆచితూచి సినిమాలు నిర్మిస్తున్న అశ్వినీదత్.. ఈ మధ్య మళ్లీ జోరు పెంచే ప్రయత్నంలో ఉన్నారు. ఇప్పటికే సావిత్రి జీవిత కథతో ‘మహానటి’ సినిమాను నిర్మిస్తున్న ఆయన.. త్వరలోనే దిల్ రాజుతో కలిసి మహేష్ బాబు-వంశీ పైడిపల్లి కాంబినేషన్లో సినిమాను సెట్స్ మీదికి తీసుకెళ్తున్నారు. నాగ్.. నాని ఖాళీ అవ్వగానే శ్రీరామ్ సినిమా మొదలవుతుంది.
గత కొన్నేళ్లుగా వైవిధ్యమైన.. మంచి కంటెంట్ ఉన్న కథలు ఎంచుకుంటూ తమ ప్రత్యేకతను చాటుకుంటున్న నాగ్-నాని కలిసి ఓ సినిమా చేయబోతుండటం ప్రేక్షకుల్లో మంచి ఆసక్తి రేకెత్తించే విషయమే. ఇటీవలే శ్రీరామ్.. వీళ్లిద్దరికీ లైన్ చెప్పి గ్రీన్ సిగ్నల్ తెచ్చుకున్నట్లు తెలిసింది. ప్రస్తుతం స్క్రిప్టుకు తుది మెరుగులు దిద్దే పనిలో ఉన్నాడతను. గత కొన్నేళ్లలో ఆచితూచి సినిమాలు నిర్మిస్తున్న అశ్వినీదత్.. ఈ మధ్య మళ్లీ జోరు పెంచే ప్రయత్నంలో ఉన్నారు. ఇప్పటికే సావిత్రి జీవిత కథతో ‘మహానటి’ సినిమాను నిర్మిస్తున్న ఆయన.. త్వరలోనే దిల్ రాజుతో కలిసి మహేష్ బాబు-వంశీ పైడిపల్లి కాంబినేషన్లో సినిమాను సెట్స్ మీదికి తీసుకెళ్తున్నారు. నాగ్.. నాని ఖాళీ అవ్వగానే శ్రీరామ్ సినిమా మొదలవుతుంది.