సర్దార్ లో శ్రేయా పాడింది ఆ పాటేనా?

కొత్త సింగర్స్ ని ఇంట్రడ్యూస్ చేయడం, ఉన్న సింగర్లతో ప్రయోగాలు చేయడంలో.. సంగీత దర్శకుడు దేవిశ్రీ ప్రసాద్ ఎప్పుడూ ముందుంటాడు. అలాగే సాంగ్ కి తగినట్లుగా సింగర్ ని ఎంపిక చేసుకోవడంలో డీఎస్పీ ట్యాలెంట్ ని చాలామంది పొగుడుతూ ఉంటారు కూడా. ప్రస్తుతం పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ కు మ్యూజిక్ ఇస్తున్నాడు దేవిశ్రీ ప్రసాద్. ఈ మూవీకి సంబంధించిన పాటలను ఫినిష్ చేసే పనిలో పడ్డాడు.

రీసెంట్ గా బాలీవుడ్ సింగర్ శ్రేయాఘోషల్ తో ఓ పాట పాడించాడు దేవిశ్రీ. ఈ పాటలో స్వయంగా తనే గొంతు కలపడం విశేషం. సర్దార్ గబ్బర్ సింగ్ లో ఈ సాంగ్ సంథింగ్ స్పెషల్ గా ఉండనుందని తెలుస్తోంది. శ్రేయా ఘోషల్ తో కలిసి రికార్డింగ్ స్టూడియోలో దిగిన ఫోటోలను షేర్ చేస్తూ.. ఈ విషయాన్ని చెప్పుకొచ్చాడు దేవిశ్రీ. ఈ పాట చాలా బాగా వచ్చిందని, థియేటర్లలో తప్పనిసరిగా అందరికీ నచ్చుతుందన్న డీఎస్పీ.. పాట వినడానికి మీరంతా ఎదురుచూస్తున్నారా అంటూ ప్రశ్నించాడు కూడా.

దేవిశ్రీ ప్రసాద్ ఇలా టీజ్ చేస్తూ క్వశ్చన్ చేస్తున్నాడంటే తప్పనిసరిగా అది పవన్ - లక్ష్మీ రాయ్ లపై తీయబోయే ఐటెం సాంగ్ అని ఫ్యాన్స్ అనుకుంటున్నారు. ఇప్పటికే మెగాస్టార్ చిరు పాట "నా కోక బాగుందా"ను పవన్ రీమిక్స్ చేయనున్నాడన్న అంచనాల మధ్య.. డీఎస్పీ ఇలా టీజ్ చేస్తుండడం.. మరింత ఆసక్తిని కలిగిస్తోంది.