వైరల్ అవుతున్న స్టార్ హీరో డాన్సింగ్ పిక్స్..!

బాలీవుడ్ స్టార్ హీరో హృతిక్ రోషన్ గురించి దేశవ్యాప్తంగా సినిమా అభిమానులకు ప్రత్యేక పరిచయం అక్కర్లేదు. ముఖ్యంగా తెలుగు ప్రేక్షకులకు హృతిక్ అంటే క్రిష్ సినిమాలో సూపర్ హీరో లాగే గుర్తొస్తాడు. అయితే మాములుగా హృతిక్ సినిమాలు అప్పుడప్పుడు తెలుగులో కూడా డబ్ వెర్షన్ లో రిలీజ్ అవుతుంటాయి. క్రిష్ సినిమాతో హృతిక్ సృష్టించిన సంచలనం అంతా ఇంతా కాదు. ఇప్పటికే ఇండియన్ సూపర్ మ్యాన్ అంటే క్రిష్ సిరీస్ మాత్రమే. అయితే ఫిట్నెస్ కు ఐకాన్ మాదిరిగా కనిపిస్తుంటాడు హృతిక్. ఫిట్నెస్ తో పాటు హృతిక్.. డాన్స్ కూడా అద్భుతంగా చేస్తాడనే విషయం తెలిసిందే. హృతిక్ ఏ సినిమాలో నటించినా డాన్స్ స్పెషల్ అట్రాక్షన్ గా నిలుస్తుంది. అలాగే హృతిక్ సోషల్ మీడియాలో యాక్టీవ్ గా ఉంటాడు.

తాజాగా ఇంస్టాగ్రామ్ వేదికగా కొన్ని ఫోటోలు షేర్ చేసాడు. ఆ ఫోటోలు చూస్తే ఖచ్చితంగా హృతిక్ బాగా ఎంజాయ్ చేస్తున్నట్లు అనిపిస్తుంది. ఎందుకంటే ఐ లవ్ డాన్సింగ్.. అంటూ హృతిక్ తాజాగా ఫిల్మ్ ఫేర్ అవార్డుల వేడుకలో డాన్స్ చేసినట్లు తెలుస్తుంది. న్యూ స్టైల్ లో హృతిక్ స్టైలిష్ గా కనిపిస్తున్నాడు. మోస్ట్ స్టైలిష్ జీన్స్ అండ్ టి-షర్ట్ తో పాటు రెడ్ షర్ట్ ధరించి హృతిక్ స్టేజిపై హుషారుగా డాన్స్ చేయడం మనం చూడవచ్చు. ఇంకా ఫిల్మ్ ఫేర్ అవార్డుస్ ఫెస్టివల్ టీవీలో ప్రసారం కాలేదు. కానీ హృతిక్ డాన్స్ ఫోటోస్ చూస్తే ఖచ్చితంగా చూడాలనే ఇంటరెస్ట్ కలుగుతుంది. ఇంస్టాగ్రామ్ లో హృతిక్ దాదాపు మూడున్నర కోట్ల ఫాలోయింగ్ కలిగి ఉన్నాడు. ప్రస్తుతం హృతిక్ ఫోటోలకు దాదాపుగా ఏడు లక్షలపైగా లైక్ రావడం విశేషం. హృతిక్ చివరిగా వార్ సినిమాలో కనిపించాడు. ప్రస్తుతం క్రిష్-4, వార్ -2 సినిమాలతో పాటు ఓ వెబ్ సిరీస్ లో కూడా నటిస్తున్నట్లు తెలుస్తుంది.