సోషల్ మీడియాకు గుడ్ బై చెప్పి ఫ్యాన్స్ కి షాకిచ్చిన స్టార్ హీరో..!

బాలీవుడ్ మిస్టర్ పర్‌ఫెక్ట్ గా పిలవబడే అమీర్ ఖాన్ అభిమానులకు సడెన్ షాకిచ్చాడు. సోషల్‌ మీడియా మధ్యమాలకు గుడ్‌ బై చెప్తున్నట్లు ప్రకటించి.. తన నిర్ణయాన్ని ఫాలోవర్స్ తో పంచుకొన్నారు. ఇటీవల పుట్టిన రోజు జరుపుకొన్న అమీర్ ఖాన్‌.. అందరికి పేరు పేరునా కృతజ్ఞతలు తెలిపి ఇప్పుడు ఈ నిర్ణయం తీసుకోవడం గమనార్హం. ఈ సందర్భంగా అమీర్ తన అభిమానులకు థ్యాంక్స్ చెబుతూ చివరి సందేశాన్ని అందించారు.

''నా అభిమానులకు థ్యాంక్స్. ఇంతకాలం మీరందరు నన్ను ఎంతగానో ఆదరించారు. మీ ప్రేమకు సపోర్ట్‌ కు ధన్యవాదాలు తెలియజేసుకొంటున్నాను. నా హృదయం ప్రేమతో నిండిపోయి ఉంది. ఇదే నా చివరి సోషల్‌ మీడియా పోస్ట్‌. అయితే మీతో మాత్రం ఎప్పటిలానే ఇంటరాక్ట్ అవుతుంటాను. నాకు సంబంధించిన అప్‌డేట్స్‌ ని మీరు akppl ఛానల్ అఫీషియల్‌ హ్యాండిల్‌ ద్వారా పొందవచ్చు. ప్రేమతో మీ అమిర్‌ ఖాన్‌" అని అమీర్ పేర్కొన్నారు.

అయితే ఆమిర్‌ ఖాన్‌ పూర్తిస్థాయిలో సినిమాలపై దృష్టి పెట్టేందుకే.. ఇటువంటి నిర్ణయం తీసుకున్నారని ఆయన ఫ్యాన్స్ భావిస్తున్నారు. ఇకపోతే అమీర్ ఈరోజు చివరగా చేసిన ట్వీట్స్ లో సూపర్ స్టార్ మహేష్ బాబు బర్త్ డే విషెస్ చెప్పిన ట్వీట్ పై కూడా స్పందించారు. ఇక సినిమాల విషయానికొస్తే అమీర్ ప్రస్తుతం 'లాల్ సింగ్ చద్దా' అనే చిత్రంలో నటిస్తున్నారు.