ఇది హీరోల ఒరిజినల్ ఫీలింగేనా?

నరేంద్ర మోడీ 500 - వెయ్యి నోట్ల రద్దు ప్రకటించడం ఆలస్యం సోషల్ మీడియాలో ప్రశంసలు వెల్లువెత్తాయి. సెలబ్రెటీలు వారెవా మోడీ అంటూ ప్రశంసలు కురిపించేశారు. ఈ నిర్ణయం దేశ ముఖచిత్రాన్నే మార్చేస్తుందని.. ఇది అద్భుతమైన నిర్ణయం అని స్టేట్మెంట్లు ఇచ్చేశారు. తెలుగులో చాలామంది సినీ ప్రముఖులు ఈ నిర్ణయంపై తమ అభిప్రాయం వెలిబుచ్చారు. వెంటనే ఫేస్ బుక్ ట్విట్టర్లలో మెసేజ్‌ లు పెట్టేశారు. కొందరు స్టార్ హీరోలు కూడా మోడీ నిర్ణయం మీద స్పందించారు. మోడీ మీద ప్రశంసలు కురిపించారు. ఐతే ఈ హీరోలందరూ తమ ఒరిజినల్ ఫీలింగ్‌ నే బయటపెట్టారా అన్నదే ఇప్పుడు డౌటు.

ఎందుకంటే 500.. 1000 నోట్ల రద్దు నిర్ణయంతో బాగా ఇబ్బంది ఎదుర్కొంటున్న రంగాల్లో సినిమా ఫీల్డ్ ఒకటి. ఇక్కడ లావాదేవీలన్నీ పెద్ద నోట్లతోనే జరుగుతాయి. కోట్లల్లో నగదు చేతులు మారుతుంటుంది. హీరోలు ఎక్కువగా పారితోషకాల్ని బ్లాక్ మనీ రూపంలోనే తీసుకుంటారు. ఈ నేపథ్యంలో చాలామంది దగ్గర నోట్ల కట్టలు పెద్ద ఎత్తునే ఉంటాయన్నది నిజం. ఆ కట్టల్ని ఇప్పుడు ఎలా మార్పిడి చేయాలో తెలియక తలలు పట్టుకుంటున్నట్లు సమాచారం అందుతోంది. పాత నోట్లను మార్పిడి చేసుకునే విషయంలో ఏం చేయాలో ఆడిటర్లను.. ఫినాన్సియల్ అడ్వైజర్లతో సంప్రదింపులు జరుపుతూ రెండు మూడు రోజులుగా తీవ్ర ఆందోళనకు గురవుతున్నారట చాలామంది హీరోలు. లోలోన ఇలా ఇబ్బంది పడుతున్న హీరోలు పైకి మాత్రం మోడీ నిర్ణయం భేష్ అంటూ స్టేట్మెంట్లు ఇస్తుండటం విశేషం.

Like Us on Facebook : https://www.facebook.com/Tupakidotcom/