వెబ్ సిరీస్ రంగంలోకి స్టార్ సింగర్ దంపతులు..??

టాలీవుడ్ ఇండస్ట్రీలో సింగర్ సునీత క్రేజ్ సెపెరేట్ అనే చెప్పాలి. ఎందుకంటే ఓ గాయనిగా.. టీవీ ప్రోగ్రాంలకు వ్యాఖ్యతగా.. ఓ ఆదర్శమైన మోడరన్ మదర్ గా సాటి మహిళలకు స్ఫూర్తిగా నిలుస్తుంది. అయితే సునీత సోషల్ మీడియాలో కూడా మంచి ఫాలోయింగ్ కలిగి ఉంది. అయితే తన సెకండ్ మ్యారేజ్ విషయంలో మాత్రం చాలకాలం సస్పెన్స్ మెయింటైన్ చేసిన సునీత ఒక్కసారిగా పెళ్లి వార్త ప్రకటించి సర్ప్రైజ్ చేసింది. కానీ పెళ్లికి ముందు ఎన్నో ట్రోల్స్ ఫేస్ చేసింది. ఆమె గురించి ఎన్నో పుకార్లు సోషల్ మీడియా హల్చల్ చేసాయి. కానీ వాటికి స్పందించకుండా తన పని తాను చేసుకుపోయింది.

అయితే ఈ మధ్యకాలంలో టాలీవుడ్ ఇండస్ట్రీలో వెబ్ సిరీస్ ట్రెండ్ ఎక్కువగా అయిపోయింది. స్టార్స్ నుండి జూనియర్స్ వరకు అందరూ వెబ్ సిరీస్ లలో నటించేందుకు ఆసక్తి కనబరుస్తున్నారు. అందులో భాగంగానే మేకర్స్ కూడా లాక్డౌన్ టైంలో డిజిటల్ కంటెంట్ పైనే ఎక్కువగా ఫోకస్ చేశారు. ప్రస్తుతం టాలీవుడ్ లో ఫ్యామిలీ టు బోల్డ్ కంటెంట్ వరకు వెబ్ మూవీస్ సిరీస్ తెరకెక్కుతున్నాయి. అందులో భాగంగానే చాలామంది ప్రొడ్యూసర్స్ కూడా వెబ్ సిరీస్ నిర్మించేందుకు రెడీ అయిపోతున్నారు. ఇప్పుడు అదే బాటలో సింగర్ సునీత కూడా వెళ్లనున్నట్లు తెలుస్తుంది.

అయితే సునీత భర్త రామ్ ఆల్రెడీ యూట్యూబ్ వేదికగా మ్యాంగో డిజిటల్ పేరుతో ఛానల్స్ కలిగి ఉన్నాడు. వాటిలో ఓల్డ్ ఈజ్ గోల్డ్ అంటూ ఓల్డ్ సాంగ్స్.. మూవీస్.. వీడియోస్ పెడుతుంటారు. తాజాగా ఈ దంపతులు ఓ కొత్తగా వెబ్ సిరీస్ అనే ఆలోచనలో పడినట్లు టాక్. వారి మ్యాంగో బ్యానర్ పై న్యూ టాలెంట్ ఎంకరేజ్ చేస్తూ వెబ్ సిరీస్ ప్రొడ్యూస్ చేద్దామని నిర్ణయం తీసుకున్నట్లు ఇండస్ట్రీ వర్గాలు చెబుతున్నాయి. మరి ఈ లెక్కన త్వరలో సునీత నిర్మాణ రంగంలోకి దిగబోతుందని అర్ధమవుతుంది. ఇదిలా ఉండగా.. సునీత ప్రస్తుతం సింగర్ గా కొనసాగుతూనే మరోవైపు టీవీ ప్రోగ్రాంలకు వ్యాఖ్యాతగా వ్యవహరిస్తోంది. చూడాలి మరి త్వరలో న్యూ ప్రాజెక్ట్ అనౌన్స్ చేస్తారేమో!