అకీరా స్కూల్ లో ప‌వ‌న్ క‌ల్యాణ్‌

స్టార్ హీరో ప‌వ‌ర్ స్టార్ ప‌వ‌న్ క‌ల్యాణ్ .. త‌న భార్య రేణు దేశాయ్ తో విడిపోయినా పిల్ల‌ల‌కు ఎప్పుడూ అందుబాటులోనే వుంటున్నారు. జ‌న‌సేన పార్టీ ప‌రంగా రాజ‌కీయాల్లో నిత్యం బిజీగా వుంటున్నా పిల్ల‌ల‌కు మాత్రం టైమ్ కేటాయిస్తూ వ‌స్తున్నారు. ఓ ప‌క్క సినిమాల్లో న‌టిస్తూ క్ష‌ణం తీరిక లేకుండా గ‌డుపుతున్నా మ‌రో ప‌క్క క్రియాశీల రాజ‌కీయాల్లో త‌న గ‌ళం వినిపిస్తున్న అనునిత్యం త‌న పిల్ల‌ల‌కు అందుబాటుతో వుంటూ వ‌స్తున్నారు ప‌వ‌న్  క‌ల్యాణ్‌.

మ‌రీ ముఖ్యంగా త‌నయుడు అకీరా నంద‌న్ విష‌యంలో ప్ర‌తీ విష‌యాన్ని ప్ర‌త్యేకంగానే చూస్తున్నారు. అకీరా స్కూల్ కు సంబంధించి ప్ర‌తీ ఈవెంట్ కి హాజ‌ర‌వుతూ స‌ర్ ప్రైజ్ చేస్తున్నారు. ప‌వ‌న్ త‌న‌యుడు అఖీరా నంద‌న్ ఇందూస్ ఇంట‌ర్నేష‌న‌ల్ స్కూల్ లో చ‌దువుతున్నాడు. ఎగ్జామ్స్ పూర్త‌యి అకాడ‌మిక్ ఇయ‌ర్ పూర్తి కావ‌డంతో అవార్డ్స్ అండ్ స‌ర్టిఫికెట్స్ కు సంబంధించిన కార్య‌క్ర‌మాన్ని నిర్వ‌హించారు.

హైద‌రాబాద్ లో జ‌రిగిన ఈ కార్య‌క్ర‌మానికి ప‌వ‌ర్ స్టార్ ప‌వ‌న్ క‌ల్యాణ్ త‌న‌యుడు అకీరా కోసం ప్ర‌త్యేకంగా హాజ‌ర‌య్యారు. అక్క‌డి టీచ‌ర్లు తో క‌లిసి మాట్లాడారు అనంత‌రం వారంతా క‌లిసి ప‌వ‌న్ క‌ల్యాణ్ తో గ్రూప్ ఫొటోల‌కు పోజులివ్వ‌డం విశేషం. ఈ సంద‌ర్భంగా అకీరా బ్లాక్ క‌ల‌ర్ సూట్ లో క‌నిపించి అద‌రిగొట్టాడు. ఫ్రెండ్స్ తో, టీచ‌ర్స్ తో క‌లిసి ఫొటోల‌కు పోజులిచ్చాడు.

ఈ ఫొటోల్లో అకీరాని చూసిన వాళ్లంతా మెగా ఫ్యామిలీ నుంచి మ‌రో క్రేజీ ప‌వ‌ర్ స్టార్ రావ‌డం ప‌క్కా అంటూ కామెంట్ లు చేస్తున్నారు. గ‌తంలోనూ ప‌వ‌న్ క‌ల్యాణ్ అకీరా స్కూల్ ఈవెంట్ లలో పాల్గొన్న విష‌యం తెలిసిందే. అదే ఇప్ప‌టికీ ఫాలో అవుతూ అకీరాని ప్ర‌తీసారి ప‌వ‌న్ స‌ర్ ప్రైజ్ చేస్తూనే వున్నారు. తాజాగా స్కూల్ ఈవెంట్ కు వెళ్ల‌డంతో ఫ్యాన్స్ హ్యాపీగా ఫీల‌వుతున్నార‌ట‌.

ప‌వ‌ర్ స్టార్ ప‌వ‌న్ క‌ల్యాణ్ ప్ర‌స్తుతం `హ‌రి హ‌ర వీర‌మ‌ల్లు` చిత్రంలో న‌టిస్తున్నారు. క్రిష్ డైరెక్ష‌న్ లో ఏ.ఎం. ర‌త్నం, ఏ. ద‌యాక‌ర్ రావు ఈ మూవీని అత్యంత భారీ బ‌డ్జెట్ తో నిర్మిస్తున్నారు. 17వ శ‌తామ్దం కాలం నాటి మొఘల్ సామ్రాజ్యం నేప‌థ్యంలో ఈ సినిమా క‌థ నాగ‌నుంది. కోహినూర్ వ‌జ్రం దొంగిలించే గ‌జ‌దొంగ‌గా ఇందులో ప‌వ‌న్ క‌ల్యాన్ క‌నిపించ‌బోతున్నారు. నిధి అగ‌ర్వాల్ హీరోయిన్ గా న‌టిస్తున్న ఈ మూవీలో నోరా ఫ‌తే రోష‌నార‌గా క‌నిపించ‌నుంది.