పుష్ప + ది క‌శ్మీర్ ఫైల్స్‌.. ఏం జ‌ర‌గుతోంది?

ఐకాన్ స్టార్ అల్లు అర్జున్ న‌టించిన 'పుప్ఫ‌' పాన్ ఇండియా మూవీగా సంచ‌ల‌నాలు సృష్టించిన విష‌యం తెలిసిందే. అల్లు అర్జున్ ని కొత్త కోణంలో ఆవిష్క‌రించిన స్టార్ డైరెక్ట‌ర్ సుకుమార్ ఈ మూవీలో దేశ వ్యాప్తంగా మంచి గుర్తింపుని సొంతం చేసుకున్నారు. ప్ర‌స్తుతం ఈ మూవీకి కొన‌సాగింపుగా 'పుష్ప ది రూల్‌'ని తెర‌పైకి తీసుకురాబోతున్నారు. ఈ ప్రాజెక్ట్ కోసం యావ‌త్ దేశ వ్యాప్తంగా వున్న సినీ ప్రియులు ఆస‌క్తిగా ఎదురుచూస్తున్నారు.

అలాంటి ద‌ర్శ‌కుడు 'ది క‌శ్మీర్ ఫైల్స్‌'తో సంచ‌ల‌నం సృష్టించిన ద‌ర్శ‌క నిర్మాత‌లు వివేక్ రంజ‌న్ అగ్ర‌హోత్రి, అభిషేక్ అగ‌ర్వాల్ తో క‌లిసి చేతులు క‌ల‌ప‌డం ప‌లువురిని ఆశ్చ‌ర్యానికి గురిచేస్తోంది. ఈ మేగ్గురు రెండు వేరు వేరు నేపథ్యాల్లో తెర‌కెక్కిన సినిమాల‌తో దేశ వ్యాప్తంగా సంచ‌ల‌నం సృష్టించిన విష‌యం తెలిసిందే. అలాంటి ఈ ముగ్గురు క‌లిసి స‌రికొత్త సినిమాకు రూప‌క‌ల్ప‌ణ చేయ‌బోతుండ‌టం స‌రికొత్త చ‌ర్చ‌కు తెర‌లేపుతోంది.

ది క‌శ్మీర్‌ ఫైల్స్, కార్తికేయ 2 వంటి సంచ‌ల‌న చిత్రాలు నిర్మించిన అభిషేక్ అగ‌ర్వాల్ దేశ వ్యాప్తంగా పాపుల‌ర్ అయ్యారు. అలాంటి క్రేజీ నిర్మాత ఇద్ద‌రు సంచ‌ల‌న ద‌ర్శ‌కులు సుకుమార్‌, వివేక్ రంజ‌న్ అగ్నిహోత్రిల‌తో క‌లిసి ఓ భారీ సినిమాకు శ్రీ‌కారం చుట్ట‌బోతున్నారు. ఈ ముగ్గురి క్రేజీ కాంబినేష‌న్ ఏ సినిమా కోసం ప‌ని చేయ‌బోతోంది? .. అది ఎలా వుండబోతోంది?.. భార‌తీయ సినీ ప్ర‌పంచంలో ఈ ముద్దురు క‌లిసి ఎలాంటి సంచ‌ల‌నాల‌కు తెర‌లేప‌బోతున్నార‌న్న‌ది మాత్రం ఇప్ప‌టి వ‌ర‌కైతే స‌స్పెన్స్ అని తెలుస్తోంది.  

ఊహించ‌ని ఈ ముగ్గురి క‌లయిక ఇప్పుడు ఫిలిం స‌ర్కిల్స్‌లో చ‌ర్చినీయాంశంగా మారుతోంది. ఈ అరుదైన క‌ల‌యిక‌కు సంబంధించిన ఆస‌క్తిక‌ర‌మైన ఫొటో తో పాటు ద‌ర్శ‌కుడు వివేక్ రంజ‌న్ అగ్నిహోత్రి సోష‌ల్ మీడియా వేదిక‌గా ఓ ఆస‌క్తిక‌ర‌మైన పోస్ట్ ని షేర్ చేశారు.

సినిమాతో భార‌త‌దేశాన్ని ఏకం చేయ‌డం. వివ‌రాలు త్వ‌ర‌లో.. ఊహించండి?.. సుకుమార్ (పుష్ప ద‌ర్శ‌కుడు), + అభిశేక్ అగ‌ర్వాల్ (నిర్మాత ది క‌శ్మీర్ ఫైల్స్‌) + యువ‌ర్స్ ట్రూలీ' అంటూ సుకుమార్‌, అభిషేక్ అగ‌ర్వాల్ తో క‌లిసి వున్న ఫొటోల‌ని షేర్ చేశాడు.

అయితే ఈ ప్రాజెక్ట్ ఏంటీ? ఎవ‌రు డైరెక్ట్ చేయ‌బోతున్నారు? అనే విష‌యాల్ని మాత్రం ఎక్క‌డా వెల్ల‌డించ‌క‌పోవ‌డం గ‌మ‌నార్హం. సుకుమార్ స‌మ‌ర్ప‌కుడిగా వ్య‌వ‌హ‌రిస్తారా?  లేక డైరెక్ట‌ర్ గా వుంటారా? అన్న‌ది తెలియాల్సి వుంది. మొత్తానికి పుష్ప + ది క‌శ్మీర్ ఫైల్స్‌.. ఏం జ‌ర‌గుతోంది? అనే ఆస‌క్తిని మాత్రం ఈ కాంబినేష‌న్ లో మొద‌లైంది. ఏం జ‌ర‌గ‌నుంది.. ఏం జ‌ర‌గ‌బోతోంది అన్న‌ది తెలియాలంటే వీరు అధికారికంగా మ‌రిన్ని వివ‌రాలు వెల్ల‌డించే వ‌ర‌కు వేచి చూడాల్సిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.