ఒక్క అమ్మాయితో టైగర్ సెల్ఫీ

కుర్ర హీరో సందీప్ కిషన్ కెరీర్ ప్రస్తుతం బాగానే ఉందనే చెప్పాలి. గతంలో టైగర్ అంటూ డిఫరెంట్ సినిమా ట్రై చేశాడు. అది సక్సెస్ అనిపించుకోకపోయినా ఎవరికీ నష్టాలు మాత్రం రాలేదు. రీసెంట్ గా రిలీజ్ అయిన రన్ పరిస్థితి కూడా ఇంతే అనే టాక్ వినిపిస్తోంది. మరోవైపు ప్రతీ సినిమాకీ సందీప్ కిషన్ లో పెరుగుతున్న ఈజ్  కనిపిస్తున్న ఇంప్రూవ్ మెంట్ ప్రేక్షకులను ఆకట్టుకుంటోంది.

ప్రస్తుతం: సందీప్‌ కిషన్‌ -నిత్యా మేనన్‌ జంటగా 'ఒక అమ్మాయి తప్ప' అనే మూవీ తెరకెక్కుతోంది. ఇప్పుడీ మూవీ యూనిట్ అంతా కశ్మీర్ లో ఉన్నారు. కీలక సన్నివేశాలతో పాటు కొన్ని పాటలను కూడా ఇక్కడ  పిక్చరైజ్ చేయనున్నారు.  హీరో సందీప్‌ కిషన్‌ సోషల్‌మీడియా ద్వారా ఈ విషయాన్ని అభిమానులకు తెలిచయేశాడు. హీరోయిన్ నిత్యా మీనన్ తో కలిసి ఓ సెల్ఫీ కూడా దిగిన టైగర్ హీరో.. ఆ పిక్చర్ ను కూడా ట్విట్టర్ లో పోస్ట్ చేశాడు.

ఓ పాట షూటింగ్‌ కోసం కశ్మీర్‌ వెళ్లామని చెప్పాడు సందీప్ కిషన్. 'ఆ ఒక అమ్మాయితో సెల్ఫీ... ఎంతో అందమైన కశ్మీర్‌లో షూటింగ్‌' అంటూ సందీప్ కిషన్ చేసిన ట్వీట్‌ ఆకట్టుకుంది. రాజసింహ దర్శకత్వంలో తెరకెక్కుతున్న 'ఆ ఒక అమ్మాయి తప్ప'కు అంజిరెడ్డి నిర్మాత. మిక్కీ జె మేయర్‌ సంగీతం సమకూరుస్తున్నాడు.