బాల‌య్య ఫ్రెండు గా ఛాన్స్ కొట్టేశాడుగా

క‌మెడియ‌న్ ట‌ర్న్ డ్ హీరో సునీల్ స‌న్నివేశ‌మేంటి? స్నేహితుడు త్రివిక్ర‌మ్ అండ‌తో స‌న్నివేశం మెరుగైన‌ట్టేనా? అంటే చెప్ప‌లేని ప‌రిస్థితి. హీరో అన్న ఇమేజ్ అలా స్థిర‌ప‌డిపోయింది. దాంతో మ‌ళ్లీ క‌మెడియ‌న్ వేషాలు వేసినా జ‌నం ప‌ట్టించుకుంటున్న‌ట్టు క‌నిపించ‌డం లేదు. ల‌క్కీగా స్టార్ డైరెక్ట‌ర్ త్రివిక్ర‌మ్ స్నేహితుడు కావ‌డం సునీల్ కు క‌లిసొచ్చింది. స్నేహితుడి కోస‌మే కొన్ని పాత్ర‌లు సృష్టించి స‌క్సెస్ ట్రాక్ లోకి తీసుకొచ్చే ప్ర‌యత్నం చేశాడు.

ఇటీవ‌లే అల వైకుంఠ‌పుర‌ములో చిత్రంలోనూ సునీల్ కి ఒక రోల్ ఇచ్చారు. అదేమంత చెప్పుకోద‌గ్గ‌ది కాద‌న్న టాక్ వినిపించింది. అందుకే చిన్న బ‌డ్జెట్ సినిమాల్లోనూ న‌టించ‌డానికి సునీల్ రెడీగా ఉన్నాడట‌. తాజాగా.. సునీల్ కు బోయ‌పాటి శ్రీను  ఛాన్స్ ఇచ్చార‌న్న టాక్ తాజాగా వినిపిస్తోంది. ఎన్.బీ.కే 106 లో బాల‌య్య‌కు స్నేహితుడి పాత్ర‌ లో సునీల్ ని ఎంపిక చేశార‌ని ప్ర‌చారం సాగుతోంది.

బోయ‌పాటి సినిమాల్లో యాక్ష‌న్ సెంటిమెంటుతో పోలిస్తే.. కామెడీకి పెద్ద‌గా స్కోప్ ఉండ‌దు. సెంటిమెంట్.. ఫ్యామిలీ ఎమోష‌న్స్ పై ఎక్కువ శ్ర‌ద్ధ పెడ‌తాడు కాబ‌ట్టి అక్క‌డ‌క్క‌డా కామెడీ ట్రాక్ ని ఇరికించే ప్ర‌య‌త్నం చేస్తాడు. మ‌రి ఈసారి స్టార్ క‌మెడియ‌న్ ని రంగంలోకి దించుతున్నాడు కాబ‌ట్టి కామెడీ లిబ‌ర్టీ తీసుకుని సునీల్ పాత్ర‌ను పొడిగిస్తాడా? అన్నది తెలియాల్సి ఉంది. ప్ర‌స్తుతం ఈ సినిమాకు సంబంధించి ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. బాల‌య్య‌కు హీరోయిన్ కు వెతికే ప‌నిలో బోయ‌పాటి సీరియ‌స్ గా ఉన్నార‌ని తెలుస్తోంది.