మాసిన గెడ్డంతో మోడ్ర‌న్ కృష్ణుడు

సునీల్ కెరీర్‌ కి కీల‌క మ‌లుపు కావాలిప్పుడు. ఓ బ్లాక్‌ బ‌స్ట‌ర్ హిట్ ఖాతాలోకి రావాల్సిన టైమ్ వ‌చ్చింది.  మ‌ర్యాద రామ‌న్న‌, పూల‌రంగ‌డు, అహ‌నా పెళ్లంట విజ‌యాలు సాధించి ఇంత మైలేజ్ ఇచ్చాయి. అయితే ఇటీవ‌లి కాలంలో ఆశించిన స్థాయి విజ‌యాల్లేవ్‌. పైగా రిలీజ్‌ ల‌కు సినిమాలే లేవ్‌. అన్నీ పెండింగ్ ప్రాజెక్టులే. గ్యాప్ పెద్ద స‌మ‌స్య అయి కూచుంది.

అందుకే .. నాకొక గాళ్ ఫ్రెండ్ కావ‌లెరా.. అన్న బోయ్స్ లిరిక్‌ లానే నాకొక‌ ట‌ర్నింగ్ పాయింట్ కావ‌లెరా .. అని సునీల్ పాడుకునే సంద‌ర్భమిది.. స‌రిగ్గా ఇలాంటి టైమ్‌ లో ల‌క్కీ హ్యాండ్ దిల్‌ రాజు చేతిలో ప‌డ్డాడు సునీల్‌. అత‌డి సోద‌రులు శిరీష్ -ల‌క్ష్మ‌ణ్ నిర్మాత‌లుగా కృష్ణాష్ట‌మి చిత్రంలో న‌టిస్తున్నాడు. వాసూవ‌ర్మ ఈ చిత్రానికి ద‌ర్శ‌క‌త్వం వ‌హిస్తున్నాడు.  టైటిల్‌ కి త‌గ్గ‌ట్టే సునీల్ కృష్ణుడిలా ఫోజిచ్చాడు.

బ్లూ క‌ల‌ర్ డెనిమ్ జీన్స్‌ పై గ్రీన్ క‌ల‌ర్ టీష‌ర్టుతో న‌వ‌మ‌న్మ‌ధుడిలా, గోపీలోలుడిలానే క‌నిపిస్తున్నాడు. ఇంకా చెప్పాలంటే మ‌న్మ‌ధుడు ఆవ‌హించిన కృష్ణుడిలా క‌నిపిస్తున్నాడు. అయితే కొంచెం ట‌ర్న్ ఇచ్చుకుంటే ఆ మాసిన  గ‌డ్డ‌మే కాస్త ఇబ్బంది క‌రంగా ఉంది. ( కృష్ణాష్ట‌మి సంద‌ర్భంగా ఈ కొత్త పోస్ట‌ర్ వేశారు)