సూపర్ స్టార్ రజనీకాంత్‌ మరియు టాలెంటెడ్ డైరెక్టర్ నెల్సన్ దిలీప్ కుమార్‌ కాంబినేషన్ లో ఓ సినిమా తెరకెక్కనున్న విషయం తెలిసిందే. #Thalaivar169 అనే వర్కింగ్‌ టైటిల్ ఇప్పటికే ఈ ప్రాజెక్ట్ ని అధికారికంగా ప్రకటించారు. సన్‌ పిక్చర్ సంస్థ ఈ క్రేజీ ప్రాజెక్ట్ ను ప్రతిష్టాత్మకంగా నిర్మించనుంది. అయితే తాజాగా ఈ మూవీ టైటిల్ ను మేకర్స్ అనౌన్స్ చేశారు.
రజినీకాంత్ 169వ చిత్రానికి ''జైలర్'' అనే టైటిల్ ను ఖరారు చేశారు. ఈ మేరకు శుక్రవారం ఉదయం టైటిల్ పోస్టర్ ను చిత్ర బృందం ఆవిష్కరించింది. ఇందులో రక్తంతో తడిసిన ఓ పెద్ద కత్తి వేలాడదీయబడి ఉండటాన్ని గమనించవచ్చు. టైటిల్ ను బట్టి ఇందులో రజినీ జైలర్ గా కనిపిస్తారని అర్థం అవుతుంది.
జైలులోని ఖైదీల నేపథ్యంలో ఈ సినిమా ఉంటుందనే సందేహాలు కలుగుతున్నాయి. అలానే ఇందులో యాక్షన్ పాళ్లు కూడా ఎక్కువే అని ఈ టైటిల్ పోస్టర్ హింట్ ఇస్తోంది. విభిన్నమైన చిత్రాలతో తనకంటూ ప్రత్యేకమైన గుర్తింపు తెచ్చుకున్న నెల్సన్.. రజినీ కాంత్ తో మరో వైవిధ్యమైన చిత్రాన్ని తెరకెక్కిస్తున్నట్లు తెలుస్తుంది.
సూపర్ స్టార్ సినిమా అంటే భారీ తారాగణం - అగ్రశ్రేణి సాంకేతిక నిపుణులు భాగం అవుతారని ప్రత్యేకంగా చెప్పాల్సిన అవసరం లేదు. ఇప్పుడు ''జైలర్'' చిత్రానికి మ్యూజిక్ కోసం రాక్ స్టార్ అనిరుధ్ రవిచంద్రన్ ను ఎంపిక చేసారు. అందాల భామ ఐశ్వర్యరాయ్‌ ఈ చిత్రంలో రజనీతో జోడీ కట్టడానికి సిద్ధం అవుతున్నట్లు వార్తలు వస్తున్నాయి. త్వరలోనే అన్ని విషయాలు వెల్లడించే అవకాశం ఉంది.
'కోకో కోకిల' 'డాక్టర్ వరుణ్' వంటి చిత్రాలతో చాలా తక్కువ టైమ్ లో మంచి పేరు తెచ్చుకున్నాడు డైరెక్టర్ నెల్సన్ దిలీప్. ఇటీవల విజయ్ తో చేసిన 'బీస్ట్' సినిమా ప్లాప్ టాక్ తెచ్చుకున్నప్పటికీ.. బాక్సాఫీస్ వద్ద మంచి వసూళ్లనే రాబట్టింది. ఇప్పుడు సూపర్ స్టార్ రజినీ ని డైరెక్ట్ చేసే ఛాన్స్ అందుకున్న దిలీప్.. ఈసారి బ్లాక్ బస్టర్ కొట్టాలనే కసితో వర్క్ చేస్తున్నట్లు తెలుస్తోంది. జూలై లేదా ఆగస్టులో ఈ సినిమా షూటింగ్‌ ప్రారంభం కానుంది.
రజినీ గత కొన్నేళ్లుగా వరుస పరాజయాలతో సతమతమవుతున్నారు. 'రోబో' తర్వాత 'కొచ్చాడయాన్' 'లింగా' 'కబాలి' 'కాలా' '2.0' 'పేట' 'దర్బార్' వంటి సినిమాలు వచ్చాయి కానీ.. ఏదీ ఆ స్థాయి విజయాన్ని అందుకోలేదనే చెప్పాలి. గతేడాది భారీ అంచనాలతో వచ్చన 'అన్నాత్తే' సినిమా కూడా నిరాశ పరిచింది. మరి ఇప్పుడు నెల్సన్ తో కలిసి ''జైలర్'' గా ఎలాంటి సక్సెస్ అందుకుంటారో చూడాలి.
రజినీకాంత్ 169వ చిత్రానికి ''జైలర్'' అనే టైటిల్ ను ఖరారు చేశారు. ఈ మేరకు శుక్రవారం ఉదయం టైటిల్ పోస్టర్ ను చిత్ర బృందం ఆవిష్కరించింది. ఇందులో రక్తంతో తడిసిన ఓ పెద్ద కత్తి వేలాడదీయబడి ఉండటాన్ని గమనించవచ్చు. టైటిల్ ను బట్టి ఇందులో రజినీ జైలర్ గా కనిపిస్తారని అర్థం అవుతుంది.
జైలులోని ఖైదీల నేపథ్యంలో ఈ సినిమా ఉంటుందనే సందేహాలు కలుగుతున్నాయి. అలానే ఇందులో యాక్షన్ పాళ్లు కూడా ఎక్కువే అని ఈ టైటిల్ పోస్టర్ హింట్ ఇస్తోంది. విభిన్నమైన చిత్రాలతో తనకంటూ ప్రత్యేకమైన గుర్తింపు తెచ్చుకున్న నెల్సన్.. రజినీ కాంత్ తో మరో వైవిధ్యమైన చిత్రాన్ని తెరకెక్కిస్తున్నట్లు తెలుస్తుంది.
సూపర్ స్టార్ సినిమా అంటే భారీ తారాగణం - అగ్రశ్రేణి సాంకేతిక నిపుణులు భాగం అవుతారని ప్రత్యేకంగా చెప్పాల్సిన అవసరం లేదు. ఇప్పుడు ''జైలర్'' చిత్రానికి మ్యూజిక్ కోసం రాక్ స్టార్ అనిరుధ్ రవిచంద్రన్ ను ఎంపిక చేసారు. అందాల భామ ఐశ్వర్యరాయ్‌ ఈ చిత్రంలో రజనీతో జోడీ కట్టడానికి సిద్ధం అవుతున్నట్లు వార్తలు వస్తున్నాయి. త్వరలోనే అన్ని విషయాలు వెల్లడించే అవకాశం ఉంది.
'కోకో కోకిల' 'డాక్టర్ వరుణ్' వంటి చిత్రాలతో చాలా తక్కువ టైమ్ లో మంచి పేరు తెచ్చుకున్నాడు డైరెక్టర్ నెల్సన్ దిలీప్. ఇటీవల విజయ్ తో చేసిన 'బీస్ట్' సినిమా ప్లాప్ టాక్ తెచ్చుకున్నప్పటికీ.. బాక్సాఫీస్ వద్ద మంచి వసూళ్లనే రాబట్టింది. ఇప్పుడు సూపర్ స్టార్ రజినీ ని డైరెక్ట్ చేసే ఛాన్స్ అందుకున్న దిలీప్.. ఈసారి బ్లాక్ బస్టర్ కొట్టాలనే కసితో వర్క్ చేస్తున్నట్లు తెలుస్తోంది. జూలై లేదా ఆగస్టులో ఈ సినిమా షూటింగ్‌ ప్రారంభం కానుంది.
రజినీ గత కొన్నేళ్లుగా వరుస పరాజయాలతో సతమతమవుతున్నారు. 'రోబో' తర్వాత 'కొచ్చాడయాన్' 'లింగా' 'కబాలి' 'కాలా' '2.0' 'పేట' 'దర్బార్' వంటి సినిమాలు వచ్చాయి కానీ.. ఏదీ ఆ స్థాయి విజయాన్ని అందుకోలేదనే చెప్పాలి. గతేడాది భారీ అంచనాలతో వచ్చన 'అన్నాత్తే' సినిమా కూడా నిరాశ పరిచింది. మరి ఇప్పుడు నెల్సన్ తో కలిసి ''జైలర్'' గా ఎలాంటి సక్సెస్ అందుకుంటారో చూడాలి.