సొంత సినిమా పక్కనెట్టేసిన సురేష్‌ బాబు

జనవరి 26న విడుదల కావల్సిన విక్టరీ వెంకటేష్‌ ''గురు'' సినిమా ఇప్పుడు పక్కకు తప్పుకుంది. అయితే ఈ సినిమాను చక్కగా శివరాత్రి సీజన్లో దించేస్తారని అభిమానులు అనుకుంటే.. నిర్మాత సురేష్‌ బాబు మాత్రం.. తన సొంత ప్రొడక్షన్ అయినప్పటికీ సినిమాను దూరంగా ఉన్న కొత్త డేటుకు తీసుకెళ్ళిపోయారు.

నిజానికి ఫిబ్రవరి నెలలో ఘాజీ వస్తోంది కాబట్టి.. అలాగే ఆ తరువాత నెలలో పెద్ద సినిమాలున్నాయి కాబట్టి.. ఇప్పుడు ఏప్రియల్ లో ''బాహుబలి 2'' రిలీజయ్యాక.. తీరికగా ''గురు'' సినిమాను విడుదల చేస్తారట సురేష్‌ బాబు. అసలు ఒక పెద్ద సీనియర్ స్టార్ హీరో సినిమాను మూడు నెలలు పోస్ట్ పోన్ చేయడమంటే.. సురేష్‌ బాబు డేరింగ్ కు మెచ్చుకోవాల్సిందే. పైగా గురు అనేది ఆయన సొంత ప్రొడక్షన్ కాబట్టి.. చాలా ధియేటర్లు ఆయన కంట్రోల్లోనే ఉంటాయి కాబట్టి.. ఆయన ఎప్పుడు కావాలంటే అప్పుడు సినిమాను తెచ్చుకోవచ్చు. కాని సురేష్‌ బాబు మాత్రం.. తన సినిమా అయినా కూడా.. ధియేటర్ల దగ్గర రద్దీ లేని టైములో వస్తేనే కాసుల పంట పండుతుంది కాబట్టి.. గురు సినిమాను ఏకంగా 3 నెలలపాటు వాయిదా  వేసేశారు.

ఇకపోతే త్వరలో వచ్చే ఘాజీ.. బాహుబలి 2.. సినిమాల రిలీజ్ లో కూడా సురేష్‌ బాబు పార్టనరేనని టాక్. అందుకే ముందు ఆ సినిమాలను బయటకు పంపించేసి తరువాత తమ్ముడు ''గురు''ను దించుతారట. వెయట్ అండ్ సి.


Like Us on Facebook : https://www.facebook.com/Tupakidotcom/