సూర్య సినిమా వస్తోందంటే తెలుగు నిర్మాతలు కూడా తమ సినిమాల్ని వాయిదా వేసుకుంటారంటూ నాగార్జున చేసిన వ్యాఖ్యల్లో అతిశయోక్తి ఏమీ లేదు. ఈ మధ్య సరైన సినిమాలు పడకపోవడం వల్ల కొంచెం జోరు తగ్గింది కానీ... మామూలుగా అయితే సూర్యకు తెలుగు హీరోలతో సమానంగా ఫాలోయింగ్ ఉందిక్కడ. ఆ సంగతి గ్రహించే తెలుగు అభిమానులకు చాలా ప్రయారిటీ ఇస్తుంటాడు సూర్య. తన సినిమాల తెలుగు డబ్బింగ్ విషయంలో జాగ్రత్త పాటిస్తాడు. తెలుగు కోసం కొన్ని సన్నివేశాలు ప్రత్యేకంగా చేస్తాడు. ప్రమోషన్ మీద కూడా ప్రత్యేకంగా దృష్టిపెడతాడు. ఈ మధ్య తన సినిమాలు తెలుగు ప్రేక్షకుల్ని నిరుత్సాహపరచడంతో కొంత వెనకబడ్డ సూర్య.. ‘24’ మూవీతో మళ్లీ పుంజుకోవాలని చూస్తున్నాడు.
తెలుగులో ఇష్క్ - మనం లాంటి సినిమాలు తీసిన విక్రమ్ కుమార్ దర్శకత్వంలో ఈ సినిమా రూపొందడం.. పైగా సమంత హీరోయిన్ కావడంతో ‘24’పై తెలుగులోనూ భారీ అంచనాలున్నాయి. వేసవికి రాబోయే భారీ తెలుగు సినిమాలతో సమానంగా దీని కోసం కూడా ఆసక్తిగా ఎదురు చూస్తున్నారు మన ప్రేక్షకులు. ఈ నేపథ్యంలో ‘24’ ఆడియోను ముందు తెలుగులోనే రిలీజ్ చేయాలని చూస్తున్నాడట సూర్య. ఈ నెల 28న హైదరాబాద్‌ లోని శిల్ప కళావేదికలో ‘24’ ఆడియో వేడుక నిర్వహించబోతున్నారట. దర్శకుడు విక్రమ్, హీరోయిన్ సమంతలతో పాటు మ్యూజిక్ డైరెక్టర్ ఎ.ఆర్.రెహమాన్.. తెలుగులో ‘24’ను విడుదల చేయబోతున్న నితిన్ కూడా ఈ వేడుకలో పాల్గొంటారట. సూర్య నిజంగా తమిళం కంటే ముందు తెలుగు ఆడియో వేడుక చేస్తే.. అతడికి హ్యాట్సాఫ్ చెప్పాల్సిందే.
తెలుగులో ఇష్క్ - మనం లాంటి సినిమాలు తీసిన విక్రమ్ కుమార్ దర్శకత్వంలో ఈ సినిమా రూపొందడం.. పైగా సమంత హీరోయిన్ కావడంతో ‘24’పై తెలుగులోనూ భారీ అంచనాలున్నాయి. వేసవికి రాబోయే భారీ తెలుగు సినిమాలతో సమానంగా దీని కోసం కూడా ఆసక్తిగా ఎదురు చూస్తున్నారు మన ప్రేక్షకులు. ఈ నేపథ్యంలో ‘24’ ఆడియోను ముందు తెలుగులోనే రిలీజ్ చేయాలని చూస్తున్నాడట సూర్య. ఈ నెల 28న హైదరాబాద్‌ లోని శిల్ప కళావేదికలో ‘24’ ఆడియో వేడుక నిర్వహించబోతున్నారట. దర్శకుడు విక్రమ్, హీరోయిన్ సమంతలతో పాటు మ్యూజిక్ డైరెక్టర్ ఎ.ఆర్.రెహమాన్.. తెలుగులో ‘24’ను విడుదల చేయబోతున్న నితిన్ కూడా ఈ వేడుకలో పాల్గొంటారట. సూర్య నిజంగా తమిళం కంటే ముందు తెలుగు ఆడియో వేడుక చేస్తే.. అతడికి హ్యాట్సాఫ్ చెప్పాల్సిందే.