ఆ 'డైరెక్టర్'తో సూర్య మళ్లీ రిస్క్ చేస్తున్నాడేమో!

టాలీవుడ్ లో తెలుగు హీరోలతో పాటు అదే రేంజ్ ఫ్యాన్ బేస్ కలిగి ఉన్నాడు స్టార్ హీరో సూర్య. ఆయన నటించిన బ్లాక్ బస్టర్ గజినీ సినిమా నుండి ఇప్పటివరకు ప్రతి సినిమా తెలుగులో కూడా భారీగా రిలీజ్ అవుతోంది. ఇక సూర్య హీరోగా  కె.వి. ఆనంద్‌ దర్శకత్వంలో ఇప్పటి వరకు 'వీడోక్కడే' ‘బ్రదర్స్‌’ ‘బందోబస్తు’ సినిమాలు రూపొందాయి. ఈ మూడిట్లో 'బందోబస్త్' ఒక్కటే కాస్త నిరాశ పరిచింది. అయితే ఇప్పుడు మరోసారి ఆనంద్‌ - సూర్యలు కలిసి ఓ కొత్త సినిమా చేయాలనే ఆలోచనలో ఉన్నారట. అయితే కొంతమంది మళ్లీ కొత్త కంటే గతంలో వచ్చిన గ్యాంగ్‌స్టర్‌ సినిమా వీడోక్కడే.. సినిమాకు కొనసాంగిపుగా సినిమా చేస్తే బాగుంటుందని సూర్య అభిమానులు కోరుకుంటున్నారట.

ప్రస్తుతం లేడీ డైరెక్టర్ సుధ కొంగర దర్శకత్వంలో 'ఆకాశం నీ హద్దురా' సినిమా చేస్తున్నాడు. ఈ సినిమా ఇప్పటికే విడుదల కావాల్సి ఉంది. సుధా కొంగరా డైరెక్షన్ లో ఇటీవల 'ఆకాశమే నీ హద్దురా' సినిమాను పూర్తి చేసిన సూర్య నెక్స్ట్ హరి డైరెక్షన్ లో మరో యాక్షన్ సినిమాను స్టార్ట్ చేయనున్నాడట. ఆ సినిమా అనంతరం శివ డైరెక్షన్ లో కూడా ఒక సినిమాను స్టార్ట్ చేయనున్నట్లు టాక్. ఈవిధంగా చూస్తే వీరందరి చిత్రాలు అయిపోయిన తరువాతనే దర్శకుడు ఆనంద్‌కి అవకాశం రావచ్చని చెప్పుకుంటున్నారు. ఎటుచూసిన వీరి మధ్య చిత్రం గురించి పూర్తి వివరాలు తెలియాలంటే మరికొంత కాలం ఆగాల్సిందే. మరి ఇంత బిజీ షెడ్యూల్ లో ఆనంద్ సినిమాను అసలు ఉంటుందో లేదో అనే అనుమానాలు వ్యక్తం అవుతున్నాయి. చూడాలి మరి సూర్య-ఆనంద్ మరోసారి మ్యాజిక్ చేస్తారేమో!