షూటింగ్ ప్రారంభానికి ముందు చాలా హడావిడి జరిగిన మెగాస్టార్ చిరంజీవి 151 చిత్రం సైరా నరసింహారెడ్డి రెగ్యులర్ సెట్స్ పైకి వెళ్ళాక తన పని తాను కానిచ్చేస్తోంది. రాయలసీమకు చెందిన స్వాతంత్ర సమరయోధుడి బయోపిక్ గా రూపొందుతున్న ఈ మూవీ బడ్జెట్ అంచనా ఇప్పటికే 200 కోట్లు దాటేసిందని యూనిట్ సమాచారం. బాహుబలికి ఏ మాత్రం తీసిపోని రీతిలో దీని మేకింగ్ ఉంటోందని ఇప్పటికే పలురకాల వార్తలు ప్రచారంలో ఉన్నాయి. ఆ మధ్య చిరుతో పాటు నయనతార అమితాబ్ బచ్చన్ ఉన్న ఫోటోలు లీక్ కావడం అప్పట్లో తెగ వైరల్ అయ్యాయి. తాజాగా మరో పిక్ మెగా ఫాన్స్ కు కునుకుని దూరం చేస్తోంది. అలా అని ఇందులో చిరునో లేక ఇంకెవరో ఉన్నారని కాదు. రత్నవేలు కెమెరా కన్నుతో అప్పటి వాతావరణాన్ని పునఃసృష్టి చేసి చీకటి తెరలలో గుర్రాల మీద జనాలు ఉన్న ఫోటో ఇప్పుడు సోషల్ మీడియాలో చక్కర్లు కొడుతోంది.
ఇందులో చిరంజీవి ఉన్నాడా లేదా అనే క్లారిటీ లేదు కానీ సినిమా ఎంత ఇంటెన్సిటీతో రూపొందుతోందో ఈ ఒక్క ఫోటో ద్వారానే బయటపడుతోంది. ఈ మధ్య వరస షెడ్యూల్స్ తో పగలు రాత్రి తేడా లేకుండా షూటింగ్ లో అలుపు లేకుండా చిరు పాల్గొనడం గురించి వార్తలు వస్తూనే ఉన్నాయి. వర్షం కాస్త అంతరాయం కలిగిస్తున్నప్పటికీ ఆ గ్యాప్ అంతా మిగిలిన రోజుల్లో బాలన్స్ చేస్తున్నాడు దర్శకుడు సురేందర్ రెడ్డి. ఇటీవలే కన్నడ స్టార్ హీరో ఈగ విలన్ కిచ్చ సుదీప్ పది రోజుల కాల్ షీట్ తో ఇందులో జాయిన్ అయ్యాడు . అతని పాత్ర ఏమిటి దాని తీరుతెన్నులు ఏంటి అనే వివరాలు బయటికి రాలేదు. నయనతార మెయిన్ లీడ్ కాగా తమన్నా కూడా నటిస్తోంది.. కాకపోతే చిరుకి జోడిగానా లేక వేరే పాత్రనా అనే వివరం తెలియాల్సి ఉంది. మొత్తానికి లీక్ ఎలా వస్తే ఏమి అప్ డేట్స్ లేక ఆకలి మీదున్న మెగా ఫాన్స్ ఈ మాత్రం దానికే ఫుల్ గా సంబరపడుతున్నారు. వచ్చే నెల 22న చిరంజీవి పుట్టిన రోజు సందర్భంగా ఫస్ట్ లుక్ కానీ టీజర్ కానీ విడుదల చేసే ఆలోచన చేస్తున్నారు. మరి కొద్ది రోజుల్లో దానికి సంబంధించిన క్లారిటీ వచ్చేస్తుంది.
ఇందులో చిరంజీవి ఉన్నాడా లేదా అనే క్లారిటీ లేదు కానీ సినిమా ఎంత ఇంటెన్సిటీతో రూపొందుతోందో ఈ ఒక్క ఫోటో ద్వారానే బయటపడుతోంది. ఈ మధ్య వరస షెడ్యూల్స్ తో పగలు రాత్రి తేడా లేకుండా షూటింగ్ లో అలుపు లేకుండా చిరు పాల్గొనడం గురించి వార్తలు వస్తూనే ఉన్నాయి. వర్షం కాస్త అంతరాయం కలిగిస్తున్నప్పటికీ ఆ గ్యాప్ అంతా మిగిలిన రోజుల్లో బాలన్స్ చేస్తున్నాడు దర్శకుడు సురేందర్ రెడ్డి. ఇటీవలే కన్నడ స్టార్ హీరో ఈగ విలన్ కిచ్చ సుదీప్ పది రోజుల కాల్ షీట్ తో ఇందులో జాయిన్ అయ్యాడు . అతని పాత్ర ఏమిటి దాని తీరుతెన్నులు ఏంటి అనే వివరాలు బయటికి రాలేదు. నయనతార మెయిన్ లీడ్ కాగా తమన్నా కూడా నటిస్తోంది.. కాకపోతే చిరుకి జోడిగానా లేక వేరే పాత్రనా అనే వివరం తెలియాల్సి ఉంది. మొత్తానికి లీక్ ఎలా వస్తే ఏమి అప్ డేట్స్ లేక ఆకలి మీదున్న మెగా ఫాన్స్ ఈ మాత్రం దానికే ఫుల్ గా సంబరపడుతున్నారు. వచ్చే నెల 22న చిరంజీవి పుట్టిన రోజు సందర్భంగా ఫస్ట్ లుక్ కానీ టీజర్ కానీ విడుదల చేసే ఆలోచన చేస్తున్నారు. మరి కొద్ది రోజుల్లో దానికి సంబంధించిన క్లారిటీ వచ్చేస్తుంది.