ఈ క్యారెక్టర్ గురించా అంత బిల్డప్ ఇచ్చింది..

సౌత్ నుంచి బాలీవుడ్ కు వెళ్లి అక్కడ కొంచెం పేరు సంపాదిస్తే చాలు.. సౌత్ సినిమాలు లోకువైపోతాయి హీరోయిన్లకు. ఇంతకుముందు ఇలియానా బాలీవుడ్ వెళ్లాక ఎన్ని వగలు పోయిందో తెలిసిందే. ఇప్పుడు తాప్సి ఆమెను మించిపోయింది. అదృష్టం కలిసొచ్చి అక్కడ ఒకట్రెండు మంచి క్యారెక్టర్లు పడగానే అమ్మడి వయ్యారాలు మామూలుగా లేవు. సౌత్ సినిమాల్లో హీరోయిన్లందరూ గ్లామర్ డాల్స్ అని.. బాలీవుడ్లో కథానాయికలకు మంచి పాత్రలిస్తారని ఆమె చేసిన వ్యాఖ్యలు ఇప్పటికే వివాదాస్పదమయ్యాయి. ఐతే లేటెస్టుగా ‘ఘాజీ’ సినిమాలో తాప్సిని చూశాక అసలు ఏం చూసి ఈ పాత్రను ఆమె ఒప్పుకుందో అన్నసందేహాలు కలుగుతున్నాయి.

‘ఘాజీ’ ప్రమోషన్లలో భాగంగా తాప్సి మాట్లాడుతూ.. ముందు ఈ సినిమా చేయడానికి తాను అంగీకరించలేదని.. ఐతే దర్శకుడు సంకల్ప్.. హీరో రానా ఈ సినిమా ఎంత ప్రత్యేకమో.. తన పాత్ర ఎంత కీలకమో చెప్పి ఈ సినిమాకు ఒప్పించారని అంది తాప్సి. ఆ రకంగా తన పాత్ర కూడా సినిమాలో స్పెషల్ అని చెప్పింది తాప్సి. ఐతే ‘ఘాజీ’ సినిమా చాలా స్పెషల్ అనడంలో సందేహం లేదు. కానీ అందులో తాప్సి పాత్రే ఎందుకూ కొరగానట్లు ఉంది. ఏదో ఒక్క లేడీ క్యారెక్టర్ అయినా లేకపోతే ఎలా అన్నట్లు మొహమాటానికి ఆమె పాత్రను జోడించినట్లు ఉంది తప్ప దానికి ఏమాత్రం ప్రాధాన్యం లేదు. తాప్సి లుక్ కూడా ఏమంత బాగా లేదు ఇందులో. మరి సినిమాల ఎంపికలో తన ప్రయారిటీస్ మారిపోయాయని.. మామూలు సినిమాలు.. మామూలు పాత్రల్ని తాను ఒప్పుకోవట్లేదని డబ్బా కొట్టుకున్న తాప్సి.. ‘ఘాజీ’లో క్యారెక్టర్ ఎలా ఒప్పుకుందన్నది డౌట్.

Like Us on Facebook : https://www.facebook.com/Tupakidotcom/