షాప్ ఓపెనింగ్ లతో బిజీ అయ్యింది

తెలుగులో ఒక  కొత్త హీరోయిన్ వచ్చి ఒక హిట్ సినిమా ఇవ్వగానే ఆ హీరోయిన్ కి  ఏదో ఒక బట్టల షాప్ కొ - నగల షో రూమ్ కొ ప్రచారం చేసే అవకాశం ఆ హీరోయిన్  వద్దునుకున్న వచ్చేస్తోంది. రమ్యకృష్ణ  నుండి సుహాసిని వరకు సమంత నుండి ఇప్పుడు ఇప్పుడే వస్తున్న కొత్త హీరోయిన్లు వరకు అందరూ ఏదో ఒక దానికి ప్రచారం చేస్తూనే ఉన్నారు. అయితే సౌత్ సినిమాల్లో బాగా పాపులర్ హీరోయిన్ తమన్నా మాత్రం బ్రాండ్ అంబాసిడర్ గా అందరి కంటే కొంచం ఎక్కువగానే చేస్తోంది.

మొబైల్ ఫోన్ లకు, జువెలరీకి కొన్ని సాఫ్ట్ డ్రింక్స్ ప్రచారం చేస్తున్న తమన్నా ఇప్పుడు కొత్తగా మరో షో రూమ్ ఓపెనింగ్ ఈవెంట్ కి వచ్చింది. బాహుబలి సినిమా తరువాత తెలుగులో ఏ సినిమా సంతకం చేయని తమన్నా ఇప్పుడు ఈ షాప్ ఓపెనింగ్ లకు మాత్రం హైదరాబాద్ వచ్చింది.  ఆ మధ్యన ‘దేవి’ సినిమా ప్రమోషన్ల తరువాత.. అమ్మడు ఇదే హైద్రాబాద్ రావడం. చాలా గ్యాప్ తరువాత మళ్ళీ ఇక్కడకు రావడం సంతోషంగా ఉంది చెప్పింది. నిజాంపేట్ లో తిరుమల ఫర్నీచర్ షాప్  ఓపెనింగ్ కు వచ్చి బాగా ఎక్సయిట్ అయ్యి తన ఆనందాన్ని మీడియాకు తెలియపరిచి కొద్ది సేపు తన కొత్త ప్రాజెక్టులు గురించి  ముచ్చటించింది.

బాహుబలి సినిమాలో అవంతికాగా చేసిన తమన్నా తన తమిళ్ సినిమాలతో బిజీ గా ఉంది. ఇప్పుడు తమిళ్ హీరో శింబు నటించిన ఒక సినిమాలో హీరోయిన్ గా నటించింది. అలానే మరో స్టార్ హీరో విక్రమ్ ‘స్కెచ్’  సినిమాలో కూడా నటిస్తోంది. ఈ రెండు సినిమాలే కాకుండా స్టార్ డైరెక్టర్ గౌతమ్ మీనన్ నిర్మిస్తున్న ఒక తమిళ్ సినిమాలో హీరోయిన్ గా చేసే అవకాశాలు ఉన్నాయిని కూడా చెబుతున్నారు.  తెలుగులో సందీప్ కిషన్ తో ఓ సినిమాను చేసింది.