త‌మ‌న్నా ఔట్.. వెన్నెల కిషోర్ కుట్ర‌

బిగ్ బాస్ హౌస్ నుంచి త‌మ‌న్నా ఎలిమినేట్ అవుతున్నార‌ని ఇదివ‌ర‌కూ ఎక్స్ క్లూజివ్ గా చెప్పుకున్నాం. ఈ వారం అనుకున్నంతా అయ్యింది. 15 మంది స‌భ్యుల నుంచి ఇప్ప‌టికి ముగ్గురు హౌస్ నుంచి ఎలిమినేట్ అయ్యారు. హేమ‌.. జాఫ‌ర్ ఇదివ‌ర‌కూ వెళ్లారు. హేమ స్థానంలో వైల్డ్ కార్డ్ ఎంట్రీ ఇచ్చిన త‌మ‌న్నా సింహాద్రి ఈ వారం ఎలిమినేట్ అయ్యారు.  ఈ వారం షోలో స్పెషల్ గెస్ట్ గా వచ్చిన కమెడియన్  వెన్నెల కిషోర్ ఊహించని విధంగా ట్విస్ట్ ఇచ్చి బాబా మాస్టర్ ని సేవ్ చేయ‌డం.. ఆ త‌ర్వాత వితిక.. త‌మ‌న్నాల్లో ఎవ‌రో ఒక‌రు హౌస్ నుంచి వెళ‌తార‌ని హోస్ట్ నాగార్జున ప్ర‌క‌టించ‌డం ఇవ‌న్నీ డ్ర‌మటిక్ గా ఎమోష‌న్ ని పెంచాయి. పునర్నవి.. వితిక.. బాబా మాస్టర్.. తమన్నా వీళ్ల నుంచి ఎవ‌రిని బ‌య‌టికి పంపాలి అన్న మెలో డ్రామా న‌డుమ చివ‌రికి త‌మ‌న్నాను బ‌య‌ట‌కు పంపించారు.

మొత్తానికి హౌస్ ని ర‌క్తి క‌ట్టిస్తూ నాగార్జున స్టైలిష్ మ్యాన‌రిజంతో కార్య‌క్ర‌మాన్ని ఉద్విగ్నంగా న‌డిపిస్తున్నార‌నే చెప్పాలి. ఈ వారం షోలో స్పెషల్ గెస్ట్ గా వచ్చిన కమెడియన్ వెన్నెల కిషోర్ ముగ్గురిలో ఒక కంటెస్టెంట్ ని సేవ్ చేశాడు. అయితే త‌న‌ని బ‌య‌ట‌కు పంపేయ‌డం షాక్ కి గురి చేసినా తమన్నా బయటకు నవ్వుతూనే వచ్చారు. అందరిని పలకరించుకుంటు వెళ్లిన తమన్నా రవి పై అల‌క‌బూనారు.  హౌస్ స‌భ్యుల‌పై ఉన్న‌దున్న‌ట్టు మాట్లాడే ఛాయిస్ వ‌చ్చిన‌ప్పుడు .. త‌మ‌న్నా ఎమోష‌న్ ఆక‌ట్టుకుంది.

ఆ హౌస్ లో హీరో వ‌రుణ్ తేజ్- వితిక జంట‌ను క‌న్నింగ్ అంటూ త‌ప్పు ప‌ట్టారు త‌మ‌న్నా. ముఖ్యంగా వ‌రుణ్ మంచివాడే అయినా.. అంటూ కొన్నిసార్లు త‌ప్పు చేస్తున్నాడ‌ని.. వితిక క‌న్నింగ్ నేచర్ ఉన్న సీరియ‌ల్ టైపు మ‌హిళ అని దెప్పి పొడిచారు త‌మ‌న్నా. ర‌విపై అల‌క‌బూనారు. ఇక ఇంట్లో బాబా భాస్కర్ ఒక్కరు తనకు ఎంతో సపోర్ట్ చేశారని, శ్రీ‌ముఖి .. శైలు.. హిమ‌జ ల‌వ్ లీ ప‌ర్స‌నాలిటీస్ అని కితాబిచ్చి త‌మ‌న్నా ఎమోషనల్ అయ్యారు. మొత్తానికి ఈ వారంతో త‌మ‌న్నా ఎపిసోడ్స్ పూర్త‌యిన‌ట్టే.