మాస్ పుష్ప రాజ్ కి ధీటుగా.. మాస్ పోలీసును భలే పట్టేశారు!

పాన్​ఇండియా మూవీగా తెరకెక్కుతున్న పుష్ప సినిమాలో తమిళ హీరో ఆర్య పోలీస్​ ఆఫీసర్​గా కనిపించబోతున్నట్టు టాక్​. ఇదివరకే అల్లు అర్జున్, హీరో ఆర్య కలసి వరుడు అనే సినిమాలో నటించారు. ఈ జన్మ బాక్సాఫీస్ వద్ద ఫెయిల్  అయినప్పటికీ విలన్ గా ఆర్య అదరగొట్టాడు. ఇన్నేళ్ళ తర్వాత మరొకసారి అల్లు అర్జున్,ఆర్య ఒకే సినిమా లో కనిపిస్తున్నారు. అల్లు అర్జున్​ హీరోగా ప్రముఖ దర్శకుడు సుకుమార్​ ఈ సినిమాను ప్రతిష్ఠాత్మకంగా తెరకెక్కిస్తున్నాడు. ‘గంధపు చెక్కల స్మగ్లింగ్​ ’ కథాంశంగా ఈ సినిమా  తెరకెక్కబోతున్నట్టు వార్తలు వచ్చాయి. ఇప్పటికే విడుదలైన అల్లు అర్జున్​ లుక్స్​ అదరగొట్టాయి. ఓ మాస్​ లుక్​లో అర్జున్​ కనిపిస్తున్నారు. దీంతో ఫ్యాన్స్​లోనూ అంచనాలు ఏర్పడ్డాయి.

అయితే అడవుల్లోనే ఈ సినిమా షూటింగ్​ ఎక్కువ భాగం ఉంది. దీంతో ముఖ్యంగా దక్షిణాది మార్కెట్​ను దృష్టిలో ఉంచుకొని ఈ మూవీని తెరకెక్కించబోతున్నారు. పుష్పలో విలక్షణ నటుడు విజయ్​ సేతుపతి ఓ పవర్​ఫుల్​ పోలీస్​ ఆఫీసర్​గా కనిపించబోతున్నట్టు తొలుత వార్తలు వచ్చాయి. అయితే డేట్స్​ కుదరకపోవడంతో విజయ్​ ఆ పాత్ర నుంచి తప్పుకున్నారట. దీంతో ఆ పాత్రకు తమిళ హీరో ఆర్యను చిత్ర యూనిట్ సంప్రదించినట్టు సమాచారం.

తమిళ మార్కెట్​ను తెచ్చుకొనేందుకు ఆ భాష నటులను చిత్ర యూనిట్​ ఎంచుకుంటున్నది. మరోవైపు ఈ సినిమాలో బాలీవుడ్​ బ్యూటీ ఊర్వశి రౌటేలా ఓ స్పెషల్​ సాంగ్​లో మెరవబోతున్నది. రష్మిక మందన్న కూడా ఓ విభిన్నమైన పాత్రలో కనిపించబోతున్న టాక్​. ఆమె గిరిజన యువతిగా కనిపించబోతున్నదట.

పుష్ప సినిమాకి దేవి శ్రీ ప్రసాద్ సంగీతం అందించనున్నారు. మైత్రి మూవీ మేకర్స్ ఈ మూవీని నిర్మిస్తోంది.