జూనియర్ ఆర్టిస్టులకు క్లాస్ పీకిన తాప్సీ

ప్రస్తుతం గోవాలో షూటింగు చేస్తూ బిజీగా ఉంది తాప్సీ. సౌత్ నటుడు ప్రకాష్‌ రాజ్ ఇప్పుడు ఉలవచారూ బిర్యాని సినిమాను హిందీలో తీస్తున్న సంగతి తెలిసిందే. ఈ సినిమాలో నసీరుద్దీన్‌ షా.. శ్రీయ.. తాప్సీ.. అలీ ఫైజల్‌.. నటిస్తున్నారు. అయితే ఈ సినిమా షూటింగు సమయంలో చోటు చేసుకున్న ఓ సంఘటన తాప్సీని బాగా కలచివేసిందట.

షూటింగు బ్రేక్ సమయంలో.. ఓ ఇద్దరు అమ్మాయిలు.. సెల్ ఫోన్లో ఏదో చూస్తూ తెగ ఆనందపడిపోతున్నారట. హెడ్ ఫోన్స్ పెట్టుకుని మరీ సదరు జూనియర్‌ ఆర్టిస్టులు చూస్తున్న ఆ వీడియో ఏంటో తెలుసుకోవాలనే తపన తాప్సీలో కలగడంతో వెంటనే వారి వద్దకు వెళ్ళి ఆ వీడియో నాక్కూడ షేర్‌ చేయండి అని అడిగింది. తీరా చూస్తే.. వారు చూస్తున్న రెండు వీడియోల్లో ఒకటి సల్మాన్‌ ఖాన్‌ సుల్తాన్‌ సినిమా కాగా.. మరొకటి గ్రేట్ గ్రాండ్ మస్తీ సినిమా. నిర్ఘాంతపోయిన తాప్సీ.. ఆ ఇద్దరినీ తనతోపాటు తీసుకెళ్ళి.. అసలు సినిమా తీయడం అంటే ఎంత కష్టమో వివరించి.. ఇలా పైరసీలో సినిమాలు చూడటం వలన ఫిలిం ఇండస్ర్టీ ఎంత నష్టపోతుందో వారికి చెప్పి.. వారిలో రియలైజేషన్‌ తీసుకొచ్చిందట. వారికి కవర్లో కొంత డబ్బులు పెట్టి ఇచ్చేసి.. ఆ డబ్బులతో సదరు సినిమాలను ధియేటర్లో చూడమని సెలవిచ్చిందట.

దయచేసి పైరసీ వీడియోలను డౌన్ లోడ్ చేసుకుని సినిమాలు చూడకండీ అంటూ తాప్సీ అందరినీ వేడుకుంటోంది. కేవలం వెండితెరపై తన గ్లామరస్ నటనతోనే కాదు.. బాధ్యాతాయుతమైన తన ఆఫ్ స్ర్కీన్ నడవడికతో కూడా ఈ రింగులు జుత్తు సుందరి ఫ్యాన్స్ హృదయాలను గెలుచుకుంది కదూ. వుయ్ ఆర్ విత్ యు తాప్సీ!!