లైఫ్ ఇచ్చిన దర్శకుడితో విశ్వక్ మరోసారి.. కానీ ఈసారి వేరేలా..!!

పెళ్లిచూపులు సినిమాతో టాలీవుడ్ లోకి డైరెక్టరుగా డెబ్యూ అయ్యాడు తరుణ్ భాస్కర్. మొదటి సినిమాతోనే ఇండస్ట్రీలో మంచి గుర్తింపు తెచ్చుకోవడమే గాక నేషనల్ వైడ్ ఫేమ్ పొందాడు. ఆ సినిమాతో రౌడీ హీరో విజయ్ దేవరకొండకు లైఫ్ ఇచ్చాడు. ఆ తర్వాత యూత్ ఫుల్ మూవీ 'ఈ నగరానికి ఏమైంది' తీసి మంచి మార్కులే కొట్టేసాడు. ఆ సినిమాతో హీరో విశ్వక్ సేన్ కి మరో లైఫ్ ఇచ్చాడు. తరుణ్ సినిమాలన్నీ యూత్ ని విశేషంగా ఆకట్టుకున్నాయి. `ఈ నగరానికి ఏమైంది` సినిమా వచ్చి దాదాపు రెండేళ్లు అవుతుంది. కానీ ఇంతవరకు తన మూడవ సినిమా గురించి ప్రస్తావించలేదు. అయితే గతేడాది 'మీకు మాత్రమే చెప్తా' అనే సినిమాతో హీరోగా మారాడు తరుణ్.

అంతకుముందే తను పరిచయం చేసిన హీరో విశ్వక్ సేన్ డైరెక్షన్లో తెరకెక్కిన 'ఫలక్నుమా దాస్' సినిమాలో ఓ క్యారెక్టర్ చేసి మెప్పించాడు. ఇక త్వరలో విశ్వక్ సేన్ 'ఓ మై కడవులే' అనే తమిళ సూపర్ హిట్ సినిమా తెలుగు రీమేక్ లో నటించనున్నాడు. అయితే ఆ సినిమాకి డైలాగ్ రైటర్ గా తరుణ్ భాస్కర్ అయితే బాగుంటుందని హీరో విశ్వక్ సేన్.. నిర్మాత పీవీపీకి సూచించారట. ప్రస్తుతం తరుణ్.. విశ్వక్ సినిమాకి డైలాగ్స్ రాస్తున్నాడు. అందుకోసం పెద్దమొత్తమే పీవీపీ ముట్టజెప్పినట్లు సమాచారం. మరి ఇదివరకే తరుణ్ పలు సినిమాలకు డైలాగ్స్ రాసాడు.

ఇప్పుడు తన హీరోకే రాస్తున్నాడు. ఇదిలా ఉండగా విశ్వక్ ఈ సినిమా తర్వాత ఓ మలయాళం రీమేక్ లో నటించనున్నాడు. ఇక తరుణ్ విషయం చూస్తే.. తను డైరెక్టర్ గా నెక్స్ట్ సినిమా ఏంటనేది ఒక ఇంటర్వ్యూలో ఓపెన్ అయ్యాడు. తను ఒక కథను ఎన్టీఆర్ కి వినిపించాడట. ఆ కథ ఎన్టీఆర్ కి కూడా నచ్చడంతో చేయడానికి ఆసక్తి చూపిస్తున్నట్లు సమాచారం. అయితే ప్రస్తుతం ఎన్టీఆర్ ఆర్ఆర్ఆర్, అయినను పోయిరావలె హస్తినకు సినిమాల తర్వాత తరుణ్ తో సినిమా పట్టాలెక్కే అవకాశం ఉందని సినీ వర్గాల టాక్. మరి అప్పటి వరకు తరుణ్ వేరే సినిమాలు చేస్తాడా.. చేయడా.. అనేది ప్రశ్న. చూడాలి త్వరలో ఏదైనా న్యూస్ తెలుస్తుందేమో..!