థియేటర్లలో సినిమా మొదలు కావడానికి ముందు సిగరెట్ స్మోకింగ్ కు వ్యతిరేకంగా ఓ యాడ్ వస్తుంది. ‘‘ఈ నగరానికి ఏమైంది.. ఎవ్వరూ నోరు మెదపరే’’ అంటూ వచ్చే యాడ్ చూసిచూసి జనాలకు బాగా నోటయిపోయింది. అందుకే ఇప్పుడు అదే టైటిల్ గా ఓ సినిమా వస్తోంది.
మొదటి సినిమా పెళ్లి చూపులు సినిమాతో టాలీవుడ్ లో ప్రత్యేకమైన గుర్తింపు తెచ్చుకున్నాడు డైరెక్టర్ తరుణ్ భాస్కర్. పెళ్లి చూపులు ప్రొడ్యూసర్ తో కలిసి రిలీజ్ చేసిన సురేష్ ప్రొడక్షన్స్ ఈసారి తరుణ్ భాస్కర్ తో ‘‘ఈ నగరానికి ఏమైంది’’ సినిమా ప్రొడ్యూస్ చేసింది. ఈ సినిమా త్వరలో థియేటర్లకు రానుంది. ఇప్పటికే ప్రివ్యూ కూడా వేశామని.. దానికి మంచి రెస్పాన్స్ కూడా వచ్చిందని సురేష్ ప్రొడక్షన్స్ అఫీషియల్ గా ప్రకటించింది. ‘‘నీ గ్యాంగ్ తో రా థియేటర్స్ కి, చూస్కుందాం’’అంటూ ఫన్నీగా క్యాప్షన్ కూడా ప్రచార పోస్టర్ లో పెట్టారు. ఈ సమ్మర్ లోనే ఈ సినిమాను రిలీజ్ చేయడానికి నిర్మాత సురేష్ బాబు ప్లాన్ చేస్తున్నారు.
ఈ నగరానికి ఏమైంది మూవీ హీరోగా విష్వక్సేన్ నటించగా హీరోయిన్ గా అనీషా ఆంబ్రోస్ నటించింది. వీళ్లిద్దరూ ఇంతకుముందు వేరే సినిమాలు చేసినా బ్రేక్ కోసం చాలా రోజులుగా ఎదురుచూస్తున్నారు. ఈ నగరానికి ఏమైంది బ్రేక్ ఇస్తుందనే ఆశతో ఉన్నారు. ప్రొడ్యూసర్ సురేష్ చిన్నకొడుకు అభిరామ్ తనను మోసం చేశాడంటూ శ్రీరెడ్డి ఆరోపణలు చేశాక దగ్గుబాటి ఫ్యామిలీ మొత్తం సైలెంట్ గానే ఉంది. తరవాత ఈ సినిమా కోసం సురేష్ ప్రొడక్షన్స్ టీం అఫీషియల్ గా అప్ డేట్ పెట్టింది.