నెట్టింట పుష్ప లీక్స్ హడావిడి.. చిత్రబృందం సైలెంట్ ఎందుకంటే??

సినిమా ఇండస్ట్రీలో సినిమాలు ఎంత వేగంగా షూటింగ్ జరుపుకుంటున్నాయో అంతేవేగంగా సినిమాల నుండి లీక్స్ కూడా బయటికి వస్తున్నాయి. షూటింగ్ జరిగే సమయంలోనే సీన్స్, వీడియోస్, ఫోటోలు లీక్ అయితే మేకర్స్ పరిస్థితి ఎలా ఉంటుందో అర్ధం చేసుకోవాలి. అయితే తాజాగా పాన్ ఇండియా మూవీ పుష్పకు సంబంధించిన లీక్స్ బయటికి రావడంతో వార్తలు హల్చల్ చేస్తున్నాయి. స్టైలిష్ స్టార్ అల్లు అర్జున్ - డైరెక్టర్ సుకుమార్ కాంబినేషన్ లో రూపుదిద్దుకుంటున్న సినిమా పుష్ప. మొదటి నుండి ఈ సినిమా పై జనాలలో భారీ అంచనాలు నెలకొన్నాయి. ఎందుకంటే ఫస్ట్ టైం ఓ హిట్ పెయిర్ పాన్ ఇండియా సినిమా తీస్తున్నారు కాబట్టి. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుండి లీక్స్ గురించి చర్చలు నడుస్తున్నాయి.

తాజాగా పుష్ప సినిమా నుండి రష్మిక, బన్నీలపై షూట్ చేస్తున్న వీడియో సాంగ్ లీక్ అయిందని, అలాగే లొకేషన్ నుండి రష్మిక పిక్స్ లీక్ అయినట్లు తెలుస్తుంది. మరి ప్రేక్షకులు ఊరుకుంటారా.. బన్నీ రష్మికల సాంగ్ కోసం తెగ వెతుకుతున్నారు. లీక్స్ గురించి పుకార్లు మాత్రమే వినిపిస్తున్నాయి కానీ పుష్ప చిత్రయూనిట్ ఇంతవరకు స్పందించలేదు. మరి ఎందుకు స్పందించడం లేదంటే.. ఫ్రీగా పుష్పకు ఈ విధంగా అయినా పబ్లిసిటీ అవుతుంది కదా.. అని మేకర్స్ ఆలోచిస్తున్నట్లు టాక్. ఈ సినిమాలో బన్నీ లారీ డ్రైవర్ పాత్రలో నటిస్తుండగా.. రష్మిక చిత్తూరు విలేజ్ అమ్మాయిగా అలరించనుంది. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ సినిమాను భారీ బడ్జెట్ తో మైత్రి మూవీస్ వారు నిర్మిస్తున్నారు. దేవిశ్రీ ప్రసాద్ సంగీతం అందిస్తున్నాడు. ఆగష్టు 13న సినిమా తెరమీదకి రాబోతుంది.