లేడీస్ నైట్ లో జాయిన్‌ అయిన స్టార్‌ హీరోయిన్‌

విలక్షణ దర్శకుడిగా పేరు దక్కించుకున్న తమిళ దర్శకుడు ఏఎల్‌ విజయ్ ఇటీవలే బాలీవుడ్‌ స్టార్ కంగనా రనౌత్‌ తో తలైవి తెరకెక్కించాడు. ఆ సినిమా విడుదలకు సిద్దం అవుతుంది. ఈ సమయంలోనే విజయ్‌ మరో సినిమాను తెరకెక్కిస్తున్నాడు. ఈ ప్రయోగాత్మక సినిమాలో తెలుగు నటుడు విశ్వక్‌ సేన్‌ కీలక పాత్రలో నటిస్తున్నాడు. ఇక ఈ సినిమా లో నివేథా పేతురాజ్‌.. మంజిమ మోహన్‌.. రెబా మోనికా.. మేఘా ఆకాష్‌ లు నటిస్తున్నారు. తాజాగా ఈ సినిమా లో టాలీవుడ్‌ స్టార్‌ హీరోయిన్‌ రకుల్‌ ప్రీత్‌ సింగ్‌ కూడా జాయిన్‌ అవ్వబోతుందట.

ఈ ప్రయోగాత్మక సినిమాకు అక్టోబర్ 31 - లేడీస్ నైట్‌ అనే టైటిల్ ను ఖరారు చేశారు. ఓటీటీ లో విడుదల కాబోతున్న ఈ సినిమా షూటింగ్‌ అప్పుడే ముగింపు దశకు వచ్చింది. కరోనా సెకండ్‌ వేవ్ కు ముందు ప్రారంభం అయిన ఈ సినిమా చివరి షెడ్యూల్‌ హైదరాబాద్‌ లో జరుగబోతుంది. రకుల్‌ ప్రీత్ సింగ్‌ జాయిన్ అవ్వడంతో సినిమా వెయిట్‌ మరింతగా పెరిగిందంటూ ఇండస్ట్రీ వర్గాల వారు అంటున్నారు. బహు భాష చిత్రంగా రూపొందుతున్న ఈ సినిమా పై అంచనాలు ఒక వర్గం ప్రేక్షకుల్లో భారీగా ఉన్నాయి.

రకుల్‌ ప్రీత్‌ సింగ్‌ ప్రస్తుతం తెలుగు.. తమిళం.. హిందీ ఇలా పలు భాషల్లో వరుసగా చిన్నా పెద్ద సినిమాలతో బిజీగా ఉంది. ఇలాంటి సమయంలో అక్టోబర్ 31 లేడీస్‌ నైట్‌ సినిమాలో కూడా ఈమె నటిస్తోంది. ఇక ఈమె క్రిష్‌ దర్శకత్వంలో నటించిన 'కొండ పొలం' సినిమా కూడా త్వరలో విడుదల కాబోతుంది. ఇక హిందీలో ఈమె ఒక బోల్డ్‌ సినిమాను చేయబోతుంది. అందులో ఈమె కండోమ్స్ టెస్టర్‌ గా కనిపించబోతున్నట్లుగా కూడా వార్తలు వచ్చాయి. రకుల్‌ మొత్తానికి చిన్నా పెద్ద అనే తేడా లేకుండా వరుసగా సినిమా లు చేసుకుంటూ వెళ్తోంది.