ఈ హిట్టు కాంబో వేరే స్టోరీతో రాబోతుందట..!

ఇండస్ట్రీలో గతకొన్నేళ్లుగా ఫ్లాప్ లను ఎదుర్కొంటున్నారు డైరెక్టర్ శ్రీనువైట్ల, హీరో మంచు విష్ణు. వీరిద్దరూ కలిసి గతంలో ఢీ అనే సినిమా చేశారు. ఆ సినిమా ఫుల్ లెన్త్ కామెడీ ఎంటర్టైనర్ గా బాక్సాఫీస్ వద్ద సూపర్ హిట్ అందుకుంది. ఇన్నేళ్ళైనా ఆ సినిమా చూస్తే ఇప్పటికి జనాలు పగలబడి నవ్వుకుంటారు. అంతలా కామెడీని తెరకెక్కించాడు శ్రీనువైట్ల. కామెడీ సినిమాలు తీయడంలో ఆయనకంటూ ప్రత్యేక మార్క్ సెట్ చేసుకున్నాడు. కానీ అన్ని సినిమాలలో అదే కామెడీ ఫార్ములా ఫాలో అయ్యేసరికి వరుసగా సినిమాలు పరాజయం పాలయ్యాయి. 2011లో వచ్చిన దూకుడు సినిమా తర్వాత శ్రీనువైట్ల ఆ రేంజి బ్లాక్ బస్టర్ అందుకోలేదనే చెప్పాలి. వరుసగా ఆగడు, మిస్టర్, బ్రూస్ లీ, అమర్ అక్బర్ ఆంథోని ఇలా వరుసగా ఖాతాలో వేసుకున్నాడు.

ప్రస్తుతం సాలిడ్ హిట్టు కొట్టి తిరిగి ఫామ్ లోకి రావాలని ట్రై చేస్తున్నాడు డైరెక్టర్. అయితే తాజాగా మరోసారి శ్రీనువైట్లతో హీరో విష్ణు జత కట్టేందుకు రెడీ అయిపోయాడు. వీరి కాంబినేషన్ లో మరో ఫుల్ లెన్త్ కామెడీ మూవీ రానున్నట్లు తెలుస్తుంది. అందరూ ఢీ సినిమాకు సీక్వెల్ అనుకుంటున్నారు. కానీ సీక్వెల్ కాదని.. ఈ సినిమాకు 'ఢీ అంటే ఢీ' పేరును ఖరారు చేశారు. ఈ సినిమా పూర్తిగా డిఫరెంట్ స్టోరీతో రూపొందించనున్నట్లు తెలిపాడు డైరెక్టర్ శ్రీనువైట్ల. నిజానికి ఢీ సినిమాలో క్యారెక్టర్స్ సీక్వెల్ లో కూడా కంటిన్యూ అవుతాయని అనుకున్నారు. కానీ అసలు సీక్వెల్ కాదు. పాత క్యారెక్టర్ ఇందులో ఉండవు అంటూ క్లారిటీ ఇచ్చాడు. ప్రస్తుతం ఈ సినిమా స్క్రిప్ట్ దశలో ఉంది. మరి ఢీ సినిమాలాగా ఈ సక్సెస్ ఫుల్ కాంబో మ్యాజిక్ క్రియేట్ చేస్తుందేమో చూడాలి!