రెండు నెలలపాటు టాలీవుడ్ లో పండగే

రెండు పెద్ద సినిమాల ఫ్యూచర్ తెలిసిపోయింది. బాహుబలి, శ్రీమంతుడు.. రెండూ అంచనాలకు మించిన సంచలనాలు సృష్టించాయి. దీంతో మిగిలిన చిన్నా, పెద్దా సినిమాలు వరుసగా క్యూ కడుతున్నాయి. ఎంతలా అంటే.. రాబోయే రెండు నెలలపాటు రిలీజ్ డేట్ల లో అసలెక్కడా గ్యాప్ కూడా లేదు. థియేటర్ల విషయంలో ఇబ్బందులు రాకుండా ఉండేందుకు దాదాపు అన్ని సినిమాలకు రిలీజ్ డేట్స్ ఇచ్చేశారు కూడా.

మొదట ఈ నెల 21న రవితేజ కిక్2  తో వస్తున్నాడు. దీని తర్వాత రుద్రమదేవి సెప్టెంబర్ 4న గ్రాండ్ రిలీజ్ కానుంది ఆ తర్వాత సెప్టెంబర్ 17న శివం విడుదల కానుండగా అదే నెల 24న సుబ్రమణ్యం ఫల్ థియేటర్ల లోకి రానుంది. అనుష్క నటించిన సైజ్ జీరో, వరుణ్ తేజ్-క్రిష్ కాంబినేషన్ లో వస్తున్న కంచె... అక్టోబర్ 2 న పోటీపడనున్నాయి. మంచు విష్ణు డైనమైట్‌ కూడా అక్టోబర్‌ 1నే అని ఫిక్సయ్యాడు. ఇక దసరా సీజన్ కోసం పెద్ద సినిమాలే సిద్ధమవుతున్నాయి. రామ్ చరణ్ తేజ్- శ్రీనువైట్ల మూవీ అక్టోబర్ 15న థియేటర్లకు వస్తుండగా.. అక్టోబర్ 21న అక్కినేని అఖిల్ నటించిన ఫ్యాన్స్ కు ముందుకు రాబోతోంది.

ఇప్పటికైతే షెడ్యూల్ ఫిక్స్ అయింది. ఇక తేలాల్సింది ఈ సినిమాలు అంచనాలు అందుకుంటాయా లేదా అనే. అయితే.. ప్రతీ సినిమా కనీసం 2వారాలపాటైనా ఎక్కువ థియేటర్లలో లేకపోతే పెట్టిన పెట్టుబడులకి మించి కలెక్షన్స్ రావు. మరి ఇన్ని సినిమాలకు స్క్రీన్ల పంపకంపై డిస్ట్రిబ్యూటర్లకు చిక్కులు తప్పేలా లేవు. అయితే నవంబర్ లో దీపావళి కోసం... ఇప్పటివరకూ ఏ సినిమా షెడ్యూల్ కాకపోవడం విశేషం.