ఈ కారుపై సినిమా వాళ్లకు ఎంత మక్కువో

సినిమా స్టార్లకు ముఖ్యంగా ఎస్యూవీలపై విపరీతమైన మక్కువ ఉంటుంది. లేటెస్ట్ రిలీజ్ కార్లను సొంతం చేసుకునేందుకు తెగ ఇష్టపడుతుంటారు. ప్రస్తుతం జీటీ కార్లపై బోలెడంత మక్కువ కనిపిస్తోంది. గ్రాండ్ టూరిజ్మో.. గ్రాండ్ టూరింగ్ కార్స్ గా పిలిచే ఈ కార్లపై ఇఫ్పుడు సౌత్ నుంచి నార్త్ వరకు తెగ డిమాండ్ కనిపిస్తోంది.

తాజాగా తమిళ స్టార్ హీరో ధనుష్.. ఫోర్ట్ ముస్టాంగ్ జీటీ ని సొంతం చేసుకుని.. ఈ కార్ ఓనర్ల జాబితాల చేరిపోయాడు. బాలీవుడ్ స్టార్ సైఫ్ అలీ ఖాన్ అయితే.. ఇంకా ఇండియాలో ఈ కార్ రిలీజ్ కాకముందే.. దుబాయ్ నుంచి స్పెషల్ గా ఇంపోర్ట్ చేసుకున్నాడు. బాలీవుడ్ దర్శకుడు రోహిత్ షెట్టి దగ్గర ముస్టాంగ్ జీటీ ఉంది. తాజాగా జాన్ అబ్రహాం కూడా జీటీ-ఆర్ బ్లాక్ ఎడిషన్ ను 2 కోట్ల రూపాయలతో సొంతం చేసుకున్నాడు.

టాలీవుడ్ హీరో నాగ చైతన్యకు కూడా కాస్ట్ లీ కార్స్ అంటే మహా ఇష్టం. నిస్సాన్ జీటీ-ఆర్530 ని చాలా కాలంగా ఉపయోగిస్తున్నాడు. ప్రస్తుతం ఈ జీటీ కార్లకు సినిమా స్టార్ల నుంచి తెగ డిమాండ్ పెరుగుతోంది. రానున్న కాలంలో ఈ ట్రెండ్ మరింతగా పెరగడం ఖాయంగా కనిపిస్తోంది.

Like Us on Facebook : https://www.facebook.com/Tupakidotcom/