అతడి కోసం ఆమెతో నయన్‌!!

ఏ ఇద్ద‌రి నాయిక‌ల మ‌ధ్య గొడ‌వ‌లు ఉన్నా  బ‌య‌ట‌కు మాత్రం ఒక‌రికొక‌రు తార‌స‌ప‌డిన‌ప్పుడు బాగానే ఉంటారు. ఒక‌ర్నొక‌రు హ‌గ్ చేసుకుంటారు. మాట మంతి మామూలే. లోలోప‌ల మాత్రం కుళ్లుకుంటూనే ఉంటారనుకోండి. న‌య‌న‌తార‌-త్రిష ల మ‌ధ్య ఒక‌ప్పు డు త‌గ్గాపోరు  న‌డిచింది. వృత్తిప‌రంగా.. వ్య‌క్తిగ‌తంగాను.. బ‌ద్ధ శ‌త్రువుల్లా వార్త‌ల్లో నిలిచారు. తరువాత మళ్లీ కలసిపోయారు. బెస్టు ఫ్రెండ్సు అయిపోయారు.

ఇక ఇద్ద‌రూ క‌లిసి ఇప్పుడు ఓ సినిమాలో న‌టించ‌డానికి అంగీక‌రించార‌ని కోలీవుడ్ వ‌ర్గాల టాక్‌. వీరిద్దరి మధ్య నాయకుడిగా నటించే అదృష్టం యువ నటుడు విజయ్‌ సేతుపతికి లభించిందట. మ‌రో ఆస‌క్తిక‌ర విష‌యం ఏంటంటే  నయనతార ప్ర‌స్తుత ప్రియుడు  దర్శకుడు విఘ్నేశ్‌ శివ‌న్ ఈ చిత్రాన్ని డైరెక్ట్ చేయ‌నున్నాడ‌ట‌. ఈ వార్త న‌మ్మ‌శ‌క్యంగా లేక‌పోయినా న‌మ్మి తిరాల్సిందే.  న‌య‌న్ ప్రియుడే ఇలా నయన్‌ అండ్‌ త్రిషను ఒక సినిమాలో పనిచేయడానికి ఒప్పించాడా?  లేక మ‌రో వ్య‌క్తి  ఎవ‌రైనా రాయ‌బారాన్ని న‌డిపాడ‌న్న‌ది  ఇప్పుడు కోలీవుడ్ లో న‌లుగుతోన్న చిక్కు ప్ర‌శ్న‌.

అయితే ఇటీవ‌ల‌ న‌య‌న్- విజ‌య్ సేతుప‌తి జంట‌గా  విఘ్నేష్ ద‌ర్శ‌క‌త్వంలో నానుమ్ రౌడీ దాన్ సినిమాలో న‌టించి హిట్ అందుకుంది. తొలి విజ‌యంతోనే విఘ్నేష్ పేరు కోలీవుడ్ లో మారుమోగిపోతుంది. ఈ నేప‌థ్యంలో ప్రియుడు మాట కాద‌న‌లేక న‌య‌న్ త్రిష‌తో క‌లిసి న‌టించాడ‌నికి ఒకే చెప్పి ఉంటుంద‌ని తెలుస్తుంది. ప్ర‌స్తుతం విజ‌య్ సేతుప‌తి మంచి ఫామ్ లో ఉండ‌టంతో హ‌న్సిక కూడా అత‌ని తో క‌లిసి న‌టించ‌డానికి ఉవ్విళ్లూరుతోంద‌ని అంటున్నారు.