స్టార్ డైరెక్టర్ రూటు మారుస్తాడా?

ప్రస్తుతం టాలీవుడ్ టాప్ డైరెక్టర్స్ లో త్రివిక్రమ్ ఒకడు. 'అత్తారింటికి దారేది' తో ఇండస్ట్రీ హిట్ కొట్టి లేటెస్ట్ గా 'అల వైకుంఠ పురములో' తో మరో రికార్డు నెలకొల్పాడు. అయితే తన మొదటి ఇండస్ట్రీ హిట్ 'అత్తారింటికి దారేది' నుండి లేటెస్ట్ ఇండస్ట్రీ హిట్ 'అల వైకుంఠపురములో' వరకూ ఒకే ఫార్మేట్ ను అదే కథను ఫాలో అవుతూ హిట్లు కొట్టడం ఒక్క త్రివిక్రమ్ కే చెందింది. ఓ రిచ్ హౌజ్ - అందులో ఓ సమస్య - వెంటనే హీరో ఆ ఇంట్లో అడుగెట్టి సమస్యను సాల్వ్ చేసి ఆ కుటుంబంలో ఒకడిగా ఉండిపోవడం ఇదే కథతో దాదాపు ఏడేళ్ళుగా సినిమాలు చేస్తున్నాడు మాటల మాంత్రికుడు.

అయితే కథ రొటీన్ అయినా తనదైన ఎంటర్టైన్ మెంట్ , మ్యూజిక్ ఇలా కొన్ని ఎలిమెంట్స్ తో స్క్రీన్ పై మేజిక్ క్రియేట్ చేసి పాస్ అయిపోతున్న త్రివిక్రమ్ నెక్స్ట్ సినిమా కయినా రూట్ మరుస్తాడా అనేది ఇప్పుడు హాట్ టాపిక్ అవుతుంది. నెక్స్ట్ ఎన్టీఆర్ తో 'అయినను పోయిరావలె అస్తినాకు' అనే టైటిల్ తో సినిమా చేయబోతున్నాడు.

ఈ సినిమా టైటిల్ అనౌన్స్ కంటే ముందే బయటికి రావడంతో ఇప్పుడు ఎన్టీఆర్ తో మళ్ళీ తనకి కలిసొచ్చిన కథతోనే ఓ ఫ్యామిలీ ఎంటర్ టైనర్ తీస్తాడా అనే అనుమానాలు వ్యక్తమవుతున్నాయి. నిజానికి 'అజ్ఞాతవాసి' తేడా కొట్టడంతో  'అరవింద సమేత' కి రూట్ మార్చి ఓ ఫ్యాక్షన్ కథతో సినిమా చేసాడు. ఈ లెక్కన  మళ్ళీ ఎన్టీఆర్ కోసం తన ఫార్మేట్ వదిలి ఏదైనా యాక్షన్ సినిమా చేసే చాన్స్ ఉంది. ఇక ఏది సెట్ అవ్వకపోతే ఎలాగు సక్సెస్ ఫార్మేట్ తో కథ రెడీగా ఉంటుంది కాబట్టి ప్లాబ్లెం లేదు.