వ‌న్ ఫిలిం వండ‌ర్ గా మిగ‌ల‌కూడ‌దంటే..?!

మెగా మేన‌ల్లుడు సాయి ధ‌ర‌మ్ తేజ్ `పిల్లా నువ్వు లేని జీవితం` చిత్రంతో బ్లాక్ బ‌స్ట‌ర్ విజయం అందుకుని ఆ త‌ర్వాత డ‌జ‌ను ఫ్లాపుల్లో న‌టించిన సంగ‌తి తెలిసిందే. మ‌ధ్య‌లో ఒక‌టీ అరా యావ‌రేజ్ లు ఉన్నా ప్ర‌యోజ‌నం లేకుండా పోయింది. ఇలాంటి ఫేజ్ అత‌డికి మాత్ర‌మే కాదు చాలా మందికి ఉంది. నాని దేవ‌ర‌కొండ లాంటి హీరోలే వ‌రుస ఫ్లాప్ లు ఎదుర్కొన్నారు. అందుకే ఇప్పుడు వైష్ణ‌వ్ తేజ్ త‌న త‌దుప‌రి చిత్రాల‌తో మ్యాజిక్ చేయాల్సి ఉంటుంద‌ని ప‌రిశ్ర‌మ తో పాటు అభిమానులు భావిస్తున్నారు. అత‌డు వ‌న్ ఫిలిం వండ‌ర్ కాకూడ‌దంటే వ‌రుస బ్లాక్ బ‌స్ట‌ర్ల‌తో స‌త్తా చాటాలి.

ఉప్పెన లాంటి బ్లాక్ బ‌స్ట‌ర్ త‌ర్వాత క్రిష్ ద‌ర్శ‌క‌త్వంలో రెండో సినిమాని పూర్తి చేసేశాడు. ఇప్పటికే వైష్ణవ్ తన మూడవ చిత్రాన్ని ప్రారంభించాడు. నాలుగవ సినిమాను కూడా ప్రారంభించబోతున్నాడు. అయితే ఇప్ప‌టికీ త‌న రెండో సినిమా ప్ర‌మోష‌న్స్ ని ప్రారంభించ‌క‌పోవ‌డంతో అభిమానుల్లో క‌న్ఫ్యూజ‌న్ నెల‌కొంది.

ప్ర‌స్తుతానికి ఏప్రిల్ 14 నుంచి నెట్ ఫ్లిక్స్ లో స్ట్రీమింగుకి రెడీ అవుతున్న ఉప్పెన పైనా ఆస‌క్తిగా ముచ్చ‌టించుకుంటున్నారు. ఇక రెండో సినిమా తోనూ వైష్ణ‌వ్ స‌త్తా చాటాలంటే ఇక‌పై ప్ర‌మోష‌న్స్ ప్రారంభించాల్సి ఉంటుంది. ప్ర‌చార హంగామా ఆల‌స్యానికి కార‌ణ‌మేమిటో చిత్ర‌బృందం వెల్ల‌డించాల్సి ఉంటుంది. దీనికి క్రిష్ కానీ .. వైష్ణ‌వ్ కానీ స‌మాధానం చెబుతార‌నే ఫ్యాన్స్ వెయిటింగ్. అలాగే క్రిష్ తెర‌కెక్కించిన హ‌రి హ‌ర వీర‌మ‌ల్లు బ్లాక్ బ‌స్ట‌ర్ విజ‌యం సాధించ‌క ముందే వైష్ణ‌వ్ సినిమాతో బంప‌ర్ హిట్ కొట్టాల్సి ఉంటుంది. ఇది వైష్ణ‌వ్ కి క్రిష్ కి కూడా ఛాలెంజ్ లాంటిదేన‌ని విశ్లేషిస్తున్నారు.