ఫ‌స్ట్ లుక్: చ‌డ్డీ మ్యాన్ ఎవ‌రండీ

బాలీవుడ్ యంగ్ హీరో వ‌రుణ్ ధావ‌న్ కెరీర్ స్పీడ్ గురించి తెలిసిందే. వ‌రుస‌గా క్రేజీ బ్లాక్ బ‌స్ట‌ర్లు అందుకుంటూ ఒక్కో మెట్టు ఎక్కుతున్నాడు. ప్ర‌య‌గాత్మ‌క క‌మ‌ర్షియ‌ల్ సినిమాలు చేస్తూ దూసుకెళుతున్నాడు. ప్ర‌స్తుతం అత‌డు న‌టించిన స్ట్రీట్ డ్యాన్సర్ 3డి త్వ‌ర‌లో రిలీజ్ కి రానుంది. ఈలోగానే ధావ‌న్ బోయ్ న‌టిస్తున్న మిస్టర్ లేలే ఫస్ట్ లుక్ పోస్టర్ విడుద‌లైంది. ఇందులో లోదుస్తుల‌(అండర్‌ వేర్)తో వరుణ్ ధావన్ ఇచ్చిన ఫోజు యూత్ లో వైర‌ల్ అవుతోంది. పోస్ట‌ర్ చూస్తుంటేనే ఫన్ ఏ రేంజులో ఉండ‌నుందో అంచ‌నా వేయొచ్చు. అండ‌ర్ వేర్.. ఆ పైన ఒక ఫ‌న్నీ ప్యాక్... ఒక చేతి నుంచి జారుతున్న గ‌న్.. చూస్తుంటే ఇదేదో గ్యాంబ్లింగ్ అనే అనిపిస్తోంది.

అండ‌ర్ వేర్ లో ధావ‌న్ బోయ్ ని చూడ‌గానే అచ్చం స‌ల్మాన్ నే గుర్తు చేస్తున్నాడు. ఆ లెవ‌ల్లో అత‌డి మేకోవ‌ర్ వ‌ర్క‌వుటైంది. భారీగా కండ‌లు పెంచాడు. 6 ప్యాక్ యాబ్స్ ఎలివేట్ అయ్యాయి. ఇక స‌ల్మాన్ ని గురూజీగా భావించే ధావ‌న్ బోయ్ త‌న స్ఫూర్తితోనే గెట‌ప్ మొత్తం మార్చేస్తుండ‌డం ఆస‌క్తిక‌రం.

మిస్ట‌ర్ లేలే పోస్ట‌ర్ కి స్ట్రీట్ డ్యాన్స‌ర్ 3డి కొలీగ్స్ నుంచి అదిరిపోయే వ్యాఖ్య‌లు వ‌చ్చి ప‌డుతున్నాయి.  స్ట్రీట్ డాన్సర్ 3డి గాళ్స్ నోరా ఫతేహి -శ్రద్ధా కపూర్ `చడ్డీ మ్యాన్`.. `మీరు నాన్న కచ్చా.. లవ్ ఇట్ చిర్కుట్ ను దొంగిలించారు`` అంటూ ఆ ఇద్ద‌రూ వ్యాఖ్యానించారు. ``మాజా లేలే. నాన్-స్టాప్ ఎంటర్ టైన‌ర్‌. 2021 జనవరి 1న సినిమా థియేట‌ర్ల‌లో విడుదలవుతుంది`` అని వెల్ల‌డించారు వ‌రుణ్‌. కరణ్ జోహార్ ఈ చిత్రాన్ని నిర్మిస్తున్నారు. శశాంక్ ఖైతాన్ దర్శకత్వం వహిస్తున్నారు.