మొదటిసారి వెంకీ పాడితే ఎలాగుంటది

విక్టరీ వెంకటేష్ బర్త్ డే సందర్భంగా.. వెంకీ లేటెస్ట్ మూవీ గురు టీజర్ ను రిలీజ్ చేశారు. గురువు గారు స్టెప్పులేయడం.. బీచ్ లో ఎంజాయ్ చేయడం.. సరదాగా గెంతులేయడం.. ఓ పాటేసుకోవడం లాంటివన్నీ సూపర్బ్ గా ఉన్నాయి. గురు గెటప్ లో వెంకీ ఇంకా అదిరిపోయాడంతే.

అయితే.. 'జిగిడి జిగిడి' అంటూ హమ్మింగ్ తో సాగుతున్న ఈ పాటను సరిగ్గా వింటే ఓ విషయం అర్ధమవుతుంది. ఇలా జిగిడి జిగిడి అంటూ హమ్ చేసినది ఎవరో కాదు.. మనం వెంకీనే. అవును.. వెంకటేష్ తొలిసారిగా ఓ సినిమా కోసం పాట పాడాడన్న మాట. అయితే.. పాట మొత్తం పాడాడా.. లేక కేవలం ఈ బీట్ వరకే  హమ్ చేశాడా అనే విషయంపై మాత్రం ఇంకా ఎలాంటి క్లారిటీ ఇవ్వలేదు. సీనియర్ హీరోలు తమలోని రకరకాల ట్యాలెంట్స్ ను ఇన్నేళ్లకయినా చూపించేస్తున్నారు.

ఇప్పటికే నిర్మలా కాన్వెంట్ లో నాగార్జున ఓ పాటేస్కున్న సంగతి తెలుసు కదా. ఇప్పుడు వెంకటేష్ కూడా స్వరం వినిపించాడన్న మాట. మరి బాక్సింగ్ నేర్పడంతో పాటు పాటలు కూడా పాడే ఈ గురు.. జనవరి 26న రిపబ్లిక్ డే సందర్భంగా రిలీజ్ కానుంది.


Like Us on Facebook : https://www.facebook.com/Tupakidotcom/