హిందీ అగ్ర హీరోతో క‌లిసి న‌టిస్తేనే గుర్తింపు గౌర‌వం!

హిందీ ప్రేక్షకులు తనను సీరియస్‌గా తీసుకోరని విజయ్ సేతుపతి విరుచుకుప‌డ్డారు. అతడు ఎవ‌రైనా పెద్ద హిందీ స్టార్ తో క‌లిసి మ‌ల్టీస్టార‌ర్ చేస్తే మాత్ర‌మే త‌న‌ని గుర్తుంచుకుంటార‌ని ప‌ట్టించుకుంటార‌ని సోలోగా  వ‌స్తే ప‌ట్టించుకోర‌ని వ్యాఖ్యానించాడు.

తమిళ సూపర్ స్టార్ విజయ్ సేతుపతి ఓటీటీ సిరీస్ 'ఫర్జీ'లో పోలీసు పాత్రలో కనిపించబోతున్నాడు. తాజా ప్ర‌మోష‌న‌ల్ ఇంట‌ర్వ్యూలో హిందీ భాషా ప్రేక్షకుల వివ‌క్ష‌ను అత‌డు దునుమాడాడు. హిందీ చలనచిత్ర పరిశ్రమలోని అగ్ర స్టార్ల‌తో కలిసి పనిచేసే వరకు అతన్ని హిందీ ఆడియెన్ సీరియస్ గా తీసుకోలేద‌ని చెప్పారు.

OTT లో వ‌చ్చిన‌ సూపర్ డీలక్స్ -విక్రమ్ వేద-96 లేదా ఇటీవల వచ్చిన విక్రమ్ వంటి సినిమాల‌తో ఇటు ద‌క్షిణాది అటు ఉత్త‌రాదినా కొత్త అభిమానులను ప్రేక్షకులను పెంచుకున్న సేతుప‌తి త‌న‌లోని అంత‌ర్మ‌థ‌నాన్ని దాచుకోకుండా బ‌య‌ట‌పెట్టాడు.

అత‌డు ప్ర‌స్తుతం బాలీవుడ్ సూపర్ స్టార్ షారుఖ్ ఖాన్ తో కలిసి పనిచేస్తున్నాడు. అట్లీ కుమార్ చిత్రం 'జవాన్'లో ఖాన్ తో క‌లిసి న‌టిస్తుండ‌గా.. 'మెర్రీ క్రిస్మస్లో' కత్రినా కైఫ్ తో క‌లిసి న‌టిస్తున్నాడు.

లోతుగా అత‌డిని ప్ర‌శ్నించ‌గా..నేను హిందీ ప్రాజెక్ట్ చేస్తున్నానని నన్ను ఎవరు అడిగినా నేను షాహిద్ తో లేదా ఖాన్ ల‌తో కలిసి పని చేస్తున్నాను అని చెప్పాలి. అప్పుడు మాత్రమే వారు 'ఓహ్ ఓకే' అని అంగీక‌రిస్తారు... అని అన్నాడు. నేను షారూఖ్ సర్ తో క‌లిసి పని చేస్తున్నాను.కత్రినా కైఫ్ తో కలిసి పని చేస్తున్నాను.

అప్పుడు మాత్రమే వారు నన్ను గౌరవిస్తారు. కాబట్టి గౌర‌వం అనేది నాతో కాంబినేష‌న్ లో ఉన్న ఆర్టిస్టు లేదా కళాకారుడిపై ఆధారపడి ఉంటుంది. స్ట్రీమింగ్ స్పేస్ లోకి విజయ్ సేతుపతి అడుగుపెట్టిన 'ఫర్జీ'ని 'ది ఫ్యామిలీ మ్యాన్' ఫేమ్ రాజ్ & డికె రూపొందించారు. కానీ సేతుపతి దీనిని స్ట్రీమింగ్ స్పేస్ లో అరంగేట్రం అన‌డానికి అస్స‌లు అంగీక‌రించ‌డం లేదు. ఫ‌ర్జీని ఎంతో ప్ర‌తిష్ఠాత్మ‌కంగా తీసుకుని సేతుప‌తి సోల్ పెట్టి న‌టించారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.